امریکا کو صرف تشدد کی زبان ہی سمجھ آتی ہے،القاعدہ سربراہ ایمن الظواہری

ٹرمپ کی طرف سے یروشلم کو اسرائیل کا دارالحکومت تسلیم کرنے کے فیصلے کو نہیں مانتے،ویڈیوپیغام

جمعرات 12 ستمبر 2019 14:08

امریکا کو صرف تشدد کی زبان ہی سمجھ آتی ہے،القاعدہ سربراہ ایمن الظواہری

دبئی(اُردو پوائنٹ اخبارتازہ ترین - این این آئی۔ 12 ستمبر2019ء) القاعدہ کے سربراہ ایمن الظواہری نے ایک ویڈیو پیغام میں امریکا، اسرائیل اور ان کے اتحادیوں کو تنقید کا نشانہ بنایا ہے اورکہاہے کہ امریکا کو صرف تشدد کی زبان ہی سمجھ آتی ہے ،غیرملکی خبررساں ادارے کے مطابق یہ واضع نہیں کہ یہ بیان کب اور کہاں ریکارڈ کیا گیا، گیارہ ستمبر کے حملوں کی اٹھارویں برسی کی موقع پر سامنے آنے والے اس بیان میں انہوں نے کہا کہ امریکا کو صرف تشدد کی زبان ہی سمجھ آتی ہے۔

(جاری ہے)

القاعدہ کے سربراہ نے امریکی صدر ڈونلڈ ٹرمپ کی طرف سے یروشلم کو اسرائیل کا دارالحکومت تسلیم کرنے کے فیصلے کو بھی تنقید کا نشانہ بنایا۔