اسلام آباد ہائی کورٹ نے عرفان صدیقی کے خلاف مقدمہ کے اخراج کیلئے دائر درخواست پر سماعت 22اکتوبر تک ملتوی کر دی

جمعرات 3 اکتوبر 2019 20:30

اسلام آباد ۔ (اُردو پوائنٹ اخبارتازہ ترین - اے پی پی۔ 03 اکتوبر2019ء) اسلام آباد ہائی کورٹ نے سابق وزیر اعظم کے معاون خصوصی عرفان صدیقی کے خلاف کرایہ داری ایکٹ کے تحت درج مقدمہ کے اخراج کیلئے دائر درخواست پر سماعت 22اکتوبر تک ملتوی کر دی۔

(جاری ہے)

جمعرات کو اسلام آباد ہائیکورٹ کے سنگل رکنی بنچ جسٹس عامر فاروق نے سماعت کی۔اس موقع پر عرفان صدیقی کے وکیل نے موقف اختیار کیا کہ جھوٹا مقدمہ خارج کیا جائے، درخواست کے فیصلے تک ایف آئی آر پر کارروائی معطل کی جائے۔عدالت نے تھانہ رمنا کے ایس ایچ او، تفتیشی آفسر، ڈسٹرکٹ مجسٹریٹ اور اسسٹنٹ کمشنر کو نوٹس جاری کر کے جواب طلب لیا اور سماعت 22 اکتوبر تک کے لئے ملتوی کر دی۔