صوبائی وزیر قانون سے آل پاکستان آٹو رکشا مینوفیکچرنگ ایسوسی ایشن کے وفد کی ملاقات

آٹو رکشا انڈسٹری کے مسائل ترجیحی بنیادوں پر حل کرنے کیلئے صوبائی اور وفاقی قوانین میں پائے جانے والے قانونی سقم دور کرائیں گے : راجہ بشارت

بدھ 9 اکتوبر 2019 22:16

لاہور (اُردو پوائنٹ اخبارتازہ ترین - آن لائن۔ 09 اکتوبر2019ء) صوبائی وزیر قانون راجہ بشارت سے آل پاکستان آٹو رکشا مینوفیکچرنگ ایسوسی ایشن کے وفد نے ملاقات کی اور پنجاب میں آٹو رکشہ کی صنعت کودرپیش قانونی مسائل سے آگاہ کیا.

(جاری ہے)

وفد نے کہا کہ آٹو رکشہ انڈسٹری سے متعلق وفاقی اور صوبائی قوانین میں ہم آہنگی اور پنجاب موٹر وہیکلز رولز 1969 کی بعض شقوں کی تشریح میں پایا جانے والا ابہام دور کرنے کی ضرورت ہی.

راجہ بشارت نے کہا کہ آٹو رکشہ انڈسٹری غریب آدمی کو ٹرانسپورٹ اورسامان کی نقل و حمل کی سستی سہولت فراہم کرتی ہے اس لیے اس کے مسائل ترجیحی بنیادوں پر حل کریں گی. انہوں نے کہا کہ صوبائی اور وفاقی قوانین میں پائے جانے والے قانونی سقم دور کرانے کے لیے بھی اپنا کردار ادا کروں گا. وفد نے یقین دہانی پرصوبائی وزیر قانون کا شکریہ ادا کیا-