اس مرتبہ پاکستان میں سردیوں میں مون سون کی بارشیں ہوں گی

اکتوبر کے ماہ کے آخر جبکہ نومبر کے ماہ کے شروع میں ملک کے کئی علاقوں میں بارشوں کی پیشن گوئی

محمد علی منگل 22 اکتوبر 2019 23:33

لاہور (اُردو پوائنٹ اخبارتازہ ترین۔ 22 اکتوبر2019ء) اس مرتبہ پاکستان میں سردیوں میں مون سون کی بارشیں ہوں گی، اکتوبر کے ماہ کے آخر جبکہ نومبر کے ماہ کے شروع میں ملک کے کئی علاقوں میں بارشوں کی پیشن گوئی۔ تفصیلات کے مطابق محکمہ موسمیات کی جانب سے موسم کے حوالے سے کی گئی ایک پیشن گوئی کی گئی ہے۔ محکمہ موسمیات نے ملک میں بارشوں کے ایک نئے سلسلے کی نوید سنائی ہے۔

بتایا گیا ہے کہ رواں ماہ کے آخر اور اگلے ماہ کے آغاز میں ملک کے کئی علاقوں میں بارشیں ہوں گی۔ موسم کی اس رپورٹ میں کہا گیا ہے کہ اکتوبر کے آخر اور نومبر کے آغاز میں ہونے والی بارشیں مون سون بارشوں کا سلسلہ ہوگا۔ عمومی طور پر مون سون بارشوں کا سیزن موسم گرما میں آتا ہے، تاہم موسم سرما میں مون سون بارشوں کا ہونا کئی لوگوں کیلئے باعث حیرت بنا ہے۔

(جاری ہے)

اس حوالے سے ماہرین کا کہنا ہے کہ اس دنیا موسمیاتی تبدیلیوں کا سامنا کر رہی ہے۔ ان موسمیاتی تبدیلیوں کے باعث اب کوئی بھی موسم اپنے مقررہ وقت پر نہیں آتا۔ یوں ہی پاکستان میں بھی اس مرتبہ سردی کے موسم میں مون سون بارشیں ہونے کا امکان ہے۔ اکتوبر اور نومبر میں مون سون بارشوں کے باعث ملک کے کئی علاقوں کا موسم معمول سے زیادہ سرد ہو سکتا ہے۔