پاکستان کرکٹ بورڈ کے زیراہتمام قومی کرکٹرز فٹنس کیمپ شروع ہو گیا

پیر 18 نومبر 2019 22:14

اسلام آباد ۔ (اُردو پوائنٹ اخبارتازہ ترین - اے پی پی۔ 18 نومبر2019ء) پاکستان کرکٹ بورڈ (پی سی بی) کے زیراہتمام قومی کرکٹرز فٹنس کیمپ شروع ہو گیا۔ آٹھ روزہ کیمپ 25 نومبر تک نیشنل کرکٹ اکیڈمی میں جاری رہے گا۔ کیمپ میں محمد عرفان، محمد عامر اور عماد وسیم کو طلب کیا گیا تھا۔ محمد عرفان اور محمد عامر نے کیمپ کے پہلے روز ڈاکٹر سہیل سلیم کی زیرنگرانی فزیکل ٹریننگ کی۔

(جاری ہے)

عمرہ کی ادائیگی کے باعث عماد وسیم کیمپ میں شرکت نہیں کررہے ہیں۔ شاداب خان، فخر زمان اور عثمان قادر کو ڈومیسٹک کرکٹ میں مصروفیت کے باعث کیمپ میں طلب نہیں کیا گیا۔ شعیب ملک، آصف علی اور وہاب ریاض کو جنوبی افریقہ میں جاری مزانسی ٹی ٹونٹی لیگ کے لیے این او سی جاری کیا گیا ہے۔ خوشدل شاہ اور محمد حسنین اے سی سی ایمرجنگ ٹیمز ایشیا کپ میں شرکت کے باعث کیمپ کا حصہ ہیں۔