اصل ہیرو وہ ہیں جو بغیر کسی لالچ کے معذور اور معاشرے کے پسے ہوئے افراد کے لئے اپنا کردار ادا کر رہے ہیں
اسپیکر قومی اسمبلی اسد قیصرکا خصوصی افراد کے حوالے سے عالمی سطح پر منائے جانے والے دن کی مناسبت سے منعقدہ تقریب سے خطاب
منگل 3 دسمبر 2019 13:54
(جاری ہے)
انہوں نے کہا کہ میری بیٹی خصوصی افراد کے حوالے سے بھی کام کرنے کا شوق رکھتی ہے۔
انہوں نے کہا کہ پارلیمنٹ خصوصی افراد کو مایوس نہیں کرے گی۔ انہوں نے کہا کہ خصوصی افراد کے حوالے سے کردار ادا کرنے کے لئے سینیٹ اور قومی اسمبلی کی خصوصی کمیٹی بنانا چاہتے ہیں جو اسٹریٹ چلڈرن، معذور افراد اور معاشرے کے پسے ہوئے طبقات کے حوالے سے قانون سازی تجویز کرے گی۔ اس کا اعلان ایک ہفتہ میں کر دیا جائے گا اور اس کمیٹی میں ان ارکان قومی اسمبلی کو شامل کیا جائے گا جو اس عظیم مقصد کے لئے اپنا وقت رضاکارانہ طور پر دے سکیں گے۔ انہوں نے کہا کہ جب سے میں نے بطور اسپیکر اپنی ذمہ داریاں سنبھالی ہیں تو میں نے خصوصی افراد کے لئے قائم کئی مراکز اور اداروں کا دورہ کیا ہے۔ شیخوپورہ میں واقع ذہنی طور پر معذور افراد کے ہسپتال کا دورہ کیا تو مجھے معلوم ہوا کہ اصل کام تو یہ لوگ کر رہے ہیں۔ قصور میں خصوصی افراد کے لئے یونیورسٹی بھی بنائی جا رہی ہے۔ مجھے یہ سب دیکھنے کے بعد محسوس ہوا کہ ہمیں جو کچھ کرنا چاہئے تھا وہ ہم نہیں کر رہے۔ خصوصی افراد اور دوسروں کے لئے کام کرنے والے حقیقی طور پر الله کے ولی ہیں۔ اسی طرح خبیب فائونڈیشن بھی خصوصی افراد کے لئے گرانقدر کام کر رہی ہے۔ انہوں نے کہا کہ سیاستدان تو کوئی بھی کام کرتا ہے تو اسے ووٹ کا لالچ ہوتا ہے مگر یہ لوگ بغیر کسی لالچ کے کام کر رہے ہیں اور ان کا کام دیکھ کر میرا جھکائو ان لوگوں کی طرف ہو گیا ہے۔ میں بھی ان کے ساتھ رضاکارانہ طور پر ورکر کی حیثیت سے کام کروں گا۔ اسپیکر قومی اسمبلی نے کہا کہ میرا تعلق مڈل کلاس سے ہے، کبھی سوچا بھی نہیں تھا کہ قومی اسمبلی کا اسپیکر بنوں گا، عہدے کوئی چیز نہیں ہوتے، نہ ان پر کسی کو نازاں ہونا چاہئے۔ عہدوں سے بالاتر ہو کر دل سے ملک اور قوم کے لئے کام کرنا ہے۔ انہوں نے یو این ڈی پی، سائیٹ سیور، خبیب فائونڈیشن اور اخوت فائونڈیشن کا تقریب کے انعقاد کے حوالے سے تعاون پر خصوصی شکریہ ادا کیا۔ قبل ازیں خصوصی افراد کے حوالے سے اپنا کردار ادا کرنے والے اداروں کے مقررین ڈاکٹر امجد صابری، یو این ڈی پی کی کنٹری ڈائریکٹر منزہ گیلانی، خواتین ارکان پارلیمنٹ کے گروپ وومن کاکس کی سیکریٹری جنرل منزہ حسن اور ملک بھر سے آئے ہوئے خصوصی افراد نے بھی تقریب سے خطاب کیا اور مطالبہ کیا کہ معذور افراد کو پارلیمنٹ، صوبائی اسمبلیوں سمیت تحصیل اور ضلع تک نمائندگی کے لئے قانون سازی کی جائے۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.