کراچی،اینکر مرید عباس قتل کیس میں قاتل عاطف زمان کے بھائی عادل زمان کی درخواست ضمانت مسترد

منگل 14 جنوری 2020 23:49

کراچی(اُردو پوائنٹ اخبارتازہ ترین - آن لائن۔ 14 جنوری2020ء) اینکر مرید عباس قتل کیس میں کراچی کی مقامی عدالت نے قاتل عاطف زمان کے بھائی عادل زمان کی درخواست ضمانت مسترد کردی ہے۔تفصیلات کے مطابق اینکر مرید عباس قتل کیس میںبڑی پیش رفت ہوئی ہے،جہاں عدالت نے قاتل عاطف زمان کے بھائی عادل زمان کی درخواست ضمانت مسترد کردی ہے۔

(جاری ہے)

عدالت نے اپنے ریمارکس میں کہا کہ ملزم قاتل کا شریک جرم ہے،ضمانت پر رہائی کا حکم نہیں دے سکتے،اس کے ساتھ ہی عدالت نے پچیس جنوری کو ملزمان پر فردجرم عائد کرنے کی تاریخ مقرر کی،گواہوں نے جوڈیشل مجسٹریٹ کے سامنے ملزم کو شناخت کیا ہے۔

اس سے قبل جبران ناصر ایڈووکیٹ نے عدالت کو بتایا کہ جس پستول سے مرید عباس سمیت دو افراد کا قتل کیا گیا وہ عادل زمان کا ہے،ملزم دونوں افراد کے قتل کے وقت عاطف زمان کے ساتھ تھا۔جبران ناصر ایڈووکیٹ کے مطابق ملزم عادل زمان نے مرید عباس کے قتل کے وقت عمر ریحان سے ہاتھا پائی بھی کی جبکہ گواہوں نے جوڈیشل مجسٹریٹ کے سامنے ملزم کو شناخت کیا ہی