پاکستان نے بھارتی سازشوں کو شکست دے دی، ایف اے ٹی ایف نے باضابطہ خوشخبری سنا دی

اسلام آباد (اردو پوائنٹ اخبار تازہ ترین 24 جنوری 2020) پاکستان نے بھارتی سازشوں کا شکست دے دی، ایف اے ٹی ایف نے باضابطہ خوشخبری سنا دی، اکتوبر 2019 کے بعد پاکستان کی کوششوں کو تسلیم کر لیا گیا، پاکستان کی کاوشوں کو سراہا گیا، ایف اے ٹی ایف کی باضابطہ رپورٹ آیندہ چنددنوں میں دی جائے گی۔ تفصیلات کے مطابق ایف اے ٹی ایف کاتکنیکی معاملات سےمتعلق اجلاس ہوا جس میں پاکستان کی کارکردگی کا جائزہ لیا گیا۔

اجلاس میں نمایندہ ممالک میں امریکا، جرمنی، جاپان، فرانس، آسٹریلیا، برطانیہ، بھارت، چین اور نیوزی لینڈ نے شرکت کی۔ اجلاس کے دوران ایف اے ٹی ایف نے اکتوبر 2019 کے بعد سے پاکستان کی جانب سے کی گئی کوششوں کو تسلیم کیا۔ ایف اےٹی ایف کےنمایندہ ممالک نےپاکستان کی کاوشوں کو سراہا اور کہا کہ پاکستان کاسیاسی عزم مالی معاشی معیارکوعالمی معیارکےمطابق لائے گا۔

(جاری ہے)

بتایا گیا ہے کہ ایف اےٹی ایف کی باضابطہ رپورٹ آیندہ چنددنوں میں دی جائے گی۔ جبکہ ایف اے ٹی ایف کےفروری کےاجلاس میں پاکستان کےمستقبل کافیصلہ ہوگا۔ ایف اے ٹی ایف کے اجلاس سے آنے والی خبروں کو پاکستان کیلئے بڑی خوشخبری قرار دیا جا رہا ہے۔ ذرائع کا کہنا ہے کہ ایف اے ٹی ایف کی گرے لسٹ سے نکلنے کیلئے پاکستان کو بڑی کامیابی حاصل ہوئی ہے۔

بیجنگ میں ہونے والے اجلاس کے دوران پاکستان کیخلاف بھارت کی تمام سازشیں بری طرح ناکام ہو گئیں۔ بتایا گیا ہے کہ اجلاس کے دوران پاکستان کی عملدرآمد رپورٹ پر امریکا اور یورپی ممالک نے اطمینان کا اظہار کیا۔ اس مرتبہ ماضی کے برخلاف امریکا اور یورپی ممالک نے بھارت کا ساتھ نہیں دیا اور بھارت انہیں پاکستان کا مخالف کرنے میں بری طرح ناکام رہا۔

بھارت کے سوا کسی بھی ملک نے پاکستان کی عملدرآمد رپورٹ پر سوالات نہیں اٹھائے۔ بیجنگ میں ہوئے مذاکرات میں ایف اے ٹی ایف کے سوالات پر پاکستان کی جوابی رپورٹ کا جائزہ لیا گیا، وفاقی وزیر اقتصادی امور حماد اظہر نے بریفنگ دی۔ بریفنگ میں بتایاگیا کہ ذرائع نے بتایاکہ کالعدم تنظیموں پر پابندیاں عائد کی جا چکی ہیں،منی لانڈرنگ روکنے کیلئے اٹھائے ٹھوس اقدامات پر بریفنگ دی گئی۔

ذرائع کے مطابق ایف اے ٹی ایف حکام نے پاکستان کی رپورٹ پر اجلاس میں اظہار اطمینان کیا ۔ واضح رہے کہ پاکستان کو ایف اے ٹی ایف کی گرے سے نکل کر وائٹ لسٹ میں آنے کے لئے مجموعی 39 میں سے12 ووٹوں کی ضرورت ہے۔ ایف اے ٹی ایف کا اگلا باضابطہ اجلاس 12 فروری کو پیرس میں شیڈول ہے۔ امکان ظاہر کیا جا رہا ہے کہ 12 فروری کو پیرس سے پاکستان کیلئے بڑی خوشخبری آئے گی۔