احتساب عدالت نے جعلی اکاؤنٹس کے ٹھٹھہ واٹر سپلائی ریفرنس میں سابق صدر آصف علی زرداری کو آئندہ سماعت پر طلب کر لیا

پیر 27 جنوری 2020 21:37

اسلام آباد ۔ (اُردو پوائنٹ اخبارتازہ ترین - اے پی پی۔ 27 جنوری2020ء) احتساب عدالت نے جعلی اکاؤنٹس کے ٹھٹھہ واٹر سپلائی ریفرنس میں سابق صدر آصف علی زرداری کو آئندہ سماعت پر طلب کر لیا ہے۔

(جاری ہے)

پیر کو احتساب عدالت کے جج محمد اعظم خان نے نیب کی جانب سے ضمنی ریفرنس کی سماعت کی،عدالت نے سابق صدر آصف زرداری، انچارج نوڈیرو ہاؤس ندیم بھٹو ، شریک ملزم اشفاق لغاری کو بھی نوٹس جاری کرتے ہوئے 13 فروری کو طلب کر لیا ہے ۔ نیب نے آصف زرداری کو ضمنی ریفرنس میں ملزم نامزد کیا ہے۔