کورونا وائرس: ہارورڈ سمیت کئی امریکی یونیورسٹیوں میں کلاسیں معطل

بدھ 11 مارچ 2020 22:55

واشنگٹن (اُردو پوائنٹ اخبارتازہ ترین - آن لائن۔ 11 مارچ2020ء) امریکا میں تیزی سے پھیلتے کورونا وائرس کے باعث کالجز اور یونیورسٹیوں میں کلاسیں ختم کرکے تعلیمی سرگرمیوں کو آن لائن کردیا گیا۔

(جاری ہے)

غیر ملکی خبر رساں ادارے کے مطابق امریکا میں وائرس کی روک تھام کے لیے اٹھائے گئے اقدامات کے تحت ملک بھر میں کئی کالجز اور یونیورسٹیوں میں طلبہ کی کلاسوں میں حاضری فی الحال ختم کرکے کورسز کو آن لائن کردیا گیا ہے۔کلاسیں ختم کرنے اور آن لائن کورس شفٹنگ کا فیصلہ امریکا کی وائرس سے سب سے زیادہ متاثر ہونے والی ریاستوں میں کیاگیا ہے جن میں ریاست کیلی فورنیا، نیویارک اور واشنگٹن شامل ہیں۔