پی آئی اے کا چھوٹے روٹس پر فلائٹ آپریشن جاری رکھنے کا فیصلہ

منگل 24 مارچ 2020 16:45

اسلام آباد (اُردو پوائنٹ اخبارتازہ ترین - این این آئی۔ 24 مارچ2020ء) قومی ائیرلائن (پی آئی ای) نے چھوٹے روٹس پر فلائٹ آپریشن جاری رکھنے کا فیصلہ کیا ہے۔

(جاری ہے)

پی آئی آے کی جانب سے جاری نوٹیفکیشن کے مطابق چھوٹے روٹس کی پروازوں میں کوئٹہ، گوادر، بہاولپور، رحیم یارخان اورملتان سے لاہور اور اسلام آباد کیلئے پروازیں بھی شامل ہیں، ان تمام پروازوں کا شیڈول تبدیل نہیں کیا گیا جب کہ کراچی اور سکھر کے لیے تمام پروازیں منسوخ کر دی گئی ہیں۔

نوٹیفکیشن کے مطابق لاہور ، اسلام آباد، گلگت ،گوادر، بہاولپور، رحیم یار خان اور ملتان کے لیے چھوٹے اے ٹی آر جہاز استعمال ہوتے ہیں، اس لیے یہ تمام پروازیں شیڈول کے مطابق اپنے روٹس پر روانہ ہوں گی۔واضح رہے کہ سندھ حکومت کی جانب سے لاک ڈاؤن کے بعد کراچی اور سکھر ائیرپورٹ سے مقامی پروازیں کے لیے بند کردیے گئے ۔