پاک فوج گلگت بلتستان کے عوام کی مشکلات سے آگاہ ہے، جنگی بنیادوں پر اضافی وسائل متحرک کیے ہیں، آرمی چیف جنرل قمر جاویدباجوہ

گلگت بلتستان حکومت اور سول انتظامیہ کے ساتھ مل کر کام کیا جارہا ہے،گلگت بلتستان کے لوگوں کو مشکل گھڑی میں تنہا نہیں چھوڑیں گے، سربراہ پاک فوج

منگل 24 مارچ 2020 23:53

پاک فوج گلگت بلتستان کے عوام کی مشکلات سے آگاہ ہے، جنگی بنیادوں پر ..

راولپنڈی(اُردو پوائنٹ اخبارتازہ ترین - این این آئی۔ 24 مارچ2020ء) چیف آف آرمی اسٹاف جنرل قمر جاوید باجوہ نے کہا ہے کہ پاک فوج گلگت بلتستان کے عوام کی مشکلات سے آگاہ ہے، جنگی بنیادوں پر اضافی وسائل متحرک کیے ہیں۔

(جاری ہے)

پاک فوج کے شعبہ تعلقات عامہ (آئی ایس پی آر) کے سربراہ ڈی جی میجر جنرل بابر افتخار نے اس حوالے سے بتایا کہ چیف آف آرمی اسٹاف نے یقین دہانی کرائی ہے کہ گلگت بلتستان کے لوگوں کو مشکل گھڑی میں تنہا نہیں چھوڑیں گے۔آئی ایس پی آر کے مطابق پاک فوج کے سربراہ نے کہا کہ گلگت بلتستان حکومت اور سول انتظامیہ کے ساتھ مل کر کام کیا جارہا ہے ۔چیف آف آرمی اسٹاف جنرل قمر جاوید باجوہ نے واضح کیا ہے کہ تمام پاکستانی مل کر کورونا وائرس کے خلاف لڑیں گے۔