بیلجئم میں بلی میں بھی کورونا کی تشخیص

ایک بلی جو اپنے کورونا وائرس سے متاثر مالک کے ساتھ تھی اس میں بھی کورونا وائرس پایا گیا ہے۔ کرائسز سینٹر

جمعہ 27 مارچ 2020 23:38

برسلز(اُردو پوائنٹ اخبارتازہ ترین - آن لائن۔ 27 مارچ2020ء) بیلجئم میں بلی میں بھی کورونا وائرس کا شکار ہو گئی۔ غیر ملکی خبر رساں ادارے کے مطابق یلجئم کے کرائسز سینٹر کے مطابق ایک ویٹرنری سرجن نے مطلع کیا ہے کہ ایک بلی جو اپنے کرونا وائرس سے متاثر مالک کے ساتھ تھی اس میں بھی کرونا وائرس پایا گیا ہے۔سینٹر کے ماہرین نے خبردار کیا ہے کہ یہ وائرس کسی فرد سے فرد کو ہی نہیں بلکہ کسی بھی جگہ موجود ہو سکتا ہے۔

(جاری ہے)

کورونا وائرس کئی گھنٹوں سے لیکر کئی دن تک زندہ رہ سکتا ہے اور یہ وہاں سے جوتوں کپڑوں ، گاڑیوں، جانوروں اور کسی بھی ذریعے سے پہنچ سکتا ہے۔ماہرین نے خبردار کیا ہے کہ گھروں میں رہیں، کم از کم آپس میں ڈیڑھ میٹر کا فاصلہ رکھیں، بار بار ہاتھ دھوئیں، خود بھی محفوظ رہیں اور دوسروں کو بھی بچائیں۔ دوسری جانب بیلجئم میں کرونا وائرس سے گذشتہ 24 گھنٹے کے دوران 69 افراد ہلاک ہوگئے ہیں۔ جس کے بعد ہلاک شدگان کی مجموعی تعداد 289 ہوگئی۔ کورونا پازیٹیو مریضوں کی مجموعی تعداد 7284 تک پہنچ گئی، جن میں گذشتہ 24 گھنٹے میں سامنے آنے والے 1049 مریض شامل ہیں، اسی دوران 490 نئے مریضوں کو ہسپتالوں میں داخل بھی کیا گیا۔