کورونا وائرس کا شکار اداکار ایک ماہ بعد کوما سے نکل آیا

میرے شوہر نے بیماری کے دوران حقیقی سپر ہیرو بن کر دکھایاابھی بھی بہت لمبا راستہ باقی ہے، بیوی کی گفتگو

اتوار 17 مئی 2020 21:55

کورونا وائرس کا شکار اداکار ایک ماہ بعد کوما سے نکل آیا

لاس اینجلس (اُردو پوائنٹ اخبارتازہ ترین - این این آئی۔ 17 مئی2020ء) کورونا وائرس سے ہونے والی بیماری کووڈ 19 کے نتیجے میں ٹانگ سے محروم ہونے والے اداکار نک کورڈیرو کئی ہفتوں بعد کوما سے باہر نکل آئے۔امریکی شہر لاس اینجلس سے تعلق رکھنے والے 41 سالہ اداکار کی اہلیہ ایمنڈا کلوٹس نے گزشتہ دنوں ایک انسٹاگرام پوسٹ میں اس بارے میں بتایا تھا۔بعد ازاں این بی سی نیوز سے بات کرتے ہوئے انہوں نے کہا کہ میں نے ڈاکٹر سے پوچھا تھا کہ کیا ہم کہہ سکتے ہیں کہ وہ جاگ گئے ہیں ڈاکٹر نے کہا کہ وہ جاگ رہا ہے، مگر وہ اتنا کمزور ہوچکا ہے کہ اپنی آنکھیں تک نہیں کھول سکتا، آنکھیں کھولنا اور بند کرنا بھی اس کی جسمانی توانائی ختم کردیتا ہے۔

یہ اداکار لاس اینجلس کے سیڈرز سینائی میڈیکل سینٹر میں یکم اپریل سے میں داخل ہوئے تھے اور ان کی دائیں ٹانگ کورونا وائرس سے ہونے والے بلڈ کلاٹس کے مسئلے کے باعث کاٹ دی گئی تھی جبکہ جان لیوا سیپٹک شاک، 2 چھوٹے فالج، گردوں کے ڈائیلاسز اور دل میں عارضی طور پر پیس میکر بھی نصب کیا گیا تھا۔

(جاری ہے)

اسی طرح ایک ماہ تک کوما میں رہے اور رواں ہفتے ہی اس سے باہر نکلے ہیں، جبکہ پھیپھڑوں کی انفیکشن تاحال مشکلات کا شکار کررہی ہے۔

ان کی اہلیہ نے بتایا کہ ان کے شوہر نے اس بیماری کے دوران حقیقی سپر ہیرو بن کر دکھایاابھی بھی بہت لمبا راستہ باقی ہے، مگر ہم صحتیابی کا آغاز کررہے ہیں اور وہ بیدار ہورہا ہے، کیا کرشمہ ہے۔ایمنڈا کلوٹس نے دیگر افراد کو خبردار کیا کہ یہ بیماری صرف بزرگ افراد کو متاثر نہیں کرتا، یہ ایک حقیقی بیماری ہے، ایک مکمل صحت مند 41 سالہ مرد کے ساتھ ایسا ہوسکتا ہے تو آپ کے ساتھ بھی ہوسکتا ہے، گھر میں رہیں اور احتیاطی تدابیر پر عمل کریں۔