چکوال، واپڈا کا بجلی چوروں کیخلاف کریک ڈائون، بااثر شخصیات کیخلاف مقدمہ درج ،بجلی چوروں کو رنگے ہاتھوں گرفتار کرلیا

ہفتہ 6 جون 2020 16:44

چکوال(اُردو پوائنٹ اخبارتازہ ترین - این این آئی۔ 06 جون2020ء) قصبہ بھرپور تھانہ کلر کہار کے علاقے میں واپڈا کا بجلی چوروں کیخلاف کریک ڈائون، بااثر شخصیات کیخلاف مقدمہ درج کرکے بجلی چوروں کو رنگے ہاتھوں گرفتار کرلیا گیا۔ بجلی چوروں میں مقامی کمیٹی کا چیئرمین ملوث بتایا جاتا ہے۔

(جاری ہے)

ایس ڈی او واپڈا وحید علی نے 6مختلف کارروائیوں میں استغاثہ دیا کہ ملزم شکیل احمد ولد بورداد ، ملزم محمد آفتاب ولد غلام حیدر، آفتاب احمد ولد غلام حیدر، شکیل احمد ولد نورداد، نورداد ولد اورنگزیب اور محمد علی ولد اورنگزیب ڈائریکٹ تار لگا کر بجلی چوری کر رہے تھے جنہوں نے گورنمنٹ کے خزانے کو خاطر خواہ نقصان پہنچایا۔

واپڈا ذرائع کے مطابق ملزمان ایک طویل عرصے سے بجلی چوری کے دھندے میں ملوث تھے۔ اے ایس آئی شاہد اکبر نے مقدمہ درج کر کے ملزمان کو جوڈیشل حوالات بھیجوا دیا۔