ہائیر ایجوکیشن کمیشن کا ہوم پلیٹ فارم سے سرٹیفیکیشن کا اعلان

اسلام آباد (اُردو پوائنٹ اخبارتازہ ترین۔ 29 جون2020ء) پاکستان ہوم پلیٹ فارم سے سرٹیفیکیشن فراہم کرکے دنیا کے مؤثرممالک کی لیگ میں شامل ہوگیا ۔ ہائیر ایجوکیشن کمیشن اور مائیکرو سافٹ کے مابین معاہدہ طے پایا گیا۔جس کے مطابق پہلے 2000 طالب علموں کو مفت سرٹیفکیٹ فراہم کئے جا ئیں گے ۔ یہ نہ صرف تعلیم بلکہ طلبا کو پیشہ ورانہ مہارت حاصل کرنے میں مدد دینے کے لئے بھی ایک اہم قدم ہے۔

مائیکروسافٹ اور ایچ ای سی ، اعلی تعلیم کے شعبے میں انفارمیشن ٹیکنالوجی کے استعمال کو فروغ دینے کے لئے گذشتہ دہائی سے اسٹریٹجک شراکت داری میں ایک ساتھ کام کر رہے ہیں۔ اس شراکت میں ملک کی تمام سرکاری اور نجی شعبے کی یونیورسٹیوں کا احاطہ کیا گیا ہے ، جس میں ایک سے زیادہ پروگرام ہیں جن کا مقصد نوجوانوں کو ترقی بخشنے اور انہیں ایک سے زیادہ پلیٹ فارم مہیا کرنا ہے جو ان کی صلاحیت کو بڑھانے اور عالمی سطح پر ان کی تکنیکی صلاحیت کو ظاہر کرنے کیلئے استعمال کیا جاسکتا ہے۔

(جاری ہے)

اس اسٹریٹجک پارٹنرشپ کے تحت طلبا کو مشق کردہ نصاب روڈ میپ فراہم کرنے کے لئے ایک سرٹیفیکیشن پلیٹ فارم شروع کیا گیا ہے ۔ پروڈکٹیویٹی ، کمپیوٹر سائنس ، ڈیٹا سائنس ، اور آئی ٹی انفراسٹرکچر شامل ہیں۔ ایم ٹی اے (مائیکروسافٹ ٹیکنالوجی ایسوسی ایٹ)اور ایم او ایس مائیکروسافٹ آفس اسپیشلسٹ کے پیش کردہ سرٹیفیکیشن ان افراد کو اسناد فراہم کرتے ہیں جو ان کی مہارتوں کی توثیق کرنے اور اپنے کیریئر کو آگے بڑھانے کے خواہاں ہیں۔

کوویڈ 19 کے دوران گھر رہتے ہوئے طلباء باآسانی سے اپنی پسندکی ٹیکنالوجی کا انتخاب کرسکتے ہیں اپنے گھر سے ہی آن لائن امتحان بھی دے سکتے ہیں۔ چیئرمین ایچ ای سی ڈاکٹر طارق بنوری نے ایچ ای سی اور مائیکرو سافٹ کے مابین تعلقات پر کہاکہ پچھلے کچھ سالوں میں ہر صنعت میں ڈیجیٹل تبدیلی آگئی ہے ۔ مائیکرو سافٹ کے ساتھ کام کرتے ہوئے ، ایچ ای سی اعلی تعلیم میں ٹیکنالوجی سے بھرپور فائدہ اٹھا ئے گی ۔

کنٹری ایجوکیشن مائیکرو سافٹ پاکستان مسٹر جبران جمشاد کا کہاکہ "آج کے کام کی جگہ میں بار بار ٹیکنالوجی کی تبدیلیوں اور مسئلے کو حل کرنے کی حکمت عملیوں کے مطابق موافقت کی ضرورت ہوتی ہے۔ مائیکرو سافٹ سرٹیفیکیشن پروگرام میں آپ جس طرح کی مہارت سیکھ سکتے ہیں اس کی مدد سے آپ موجودہ اور ممکنہ کام نبٹا سکتے ہیں۔