شیخوپورہ کی پانچوں تحصیلوں میں ڈینگی کے لاروے کی تلفی کے سلسلہ میں محکمہ صحت،میونسپل کمیٹیوں کے عملے کو متحرک کر دیا گیا

بدھ 1 جولائی 2020 12:02

شیخوپورہ (اُردو پوائنٹ اخبارتازہ ترین - این این آئی۔ 01 جولائی2020ء) شیخوپورہ کی پانچوں تحصیلوں میں ڈینگی کے لاروے کی تلفی کے سلسلہ میں محکمہ صحت،میونسپل کمیٹیوں کے عملے کو متحرک کر دیا گیا ہے وہ قبرستانوں ٹائر شاپس،جوہڑکا روزانہ کی بنیاد پر معائنہ کرے گے اور اس سلسلہ میں آگاہی مہم بھی شروع کی جارہی ہے تاکہ گھروں کی چھتوں پر کچرا اور دیگر سامان میں بارشی پانی کھڑا نہ ہو ان خیالات کا اظہار ڈپٹی کمشنر شیخوپورہ محمد اصغر جوئیہ نے ڈینگی کے حوالے سے ایک اجلاس سے خطاب کرتے ہوئے کیا انہوں نے بتایا کہ ڈینگی ٹیموں کی نگرانی ہر تحصیل کے اسسٹنٹ کمشنر کرے گا اور روزانہ کی بنیاد پر رپورٹ ارسال کی جائے گی اس موقع پر ایڈیشنل ڈپٹی کمشنر رانا شکیل اسلم سی ای او ڈاکٹر صدیق بلوچ ڈسٹرکٹ ہیلتھ آفیسر ڈاکٹر عادل شہزاد ڈپٹی ڈسٹرکٹ پاپولیشن آفیسر عاصم نواز چیمہ و دیگر محکموں کے آفیسرز نے شرکت کی انہوں نے کہاکہ عوام کو چاہئے کہ وہ ڈینگی کی ٹیموں کے ساتھ مکمل تعاون کریں اور ان کے بتائے ہوئے ایس او پیز پر عمل کیا جائے انہوں نے کہاکہ ابھی تک شیخوپورہ میں ڈینگی کا کوئی مریض سامنے نہیں آیا لوگوں کو چاہئے کہ وہ اپنے گھروں میں کوئل مچھر مار اسپرے کا استعمال کریں اور ہاف بازو کی بجائے پورے بازو کے کپڑے پہنے۔