پنجاب میں 20 کلو آٹے کی قیمت 860 روپے فی تھیلا مقرر

پیر 6 جولائی 2020 21:15

لاہور (اُردو پوائنٹ اخبارتازہ ترین - آن لائن۔ 06 جولائی2020ء) محکمہ خوراک پنجاب اور پنجاب فلور ملز ایسوسی ایشن کے درمیان ہونیوالے مذاکرات کے بعد صوبے بھر کی فلور ملز نے محکمہ خوراک کی رضا مندی سے 20 کلو آٹے کی قیمت 860 روپے فی تھیلا مقرر کردی ہے۔

(جاری ہے)

بتایا گیا ہے کہ سیکرٹری خوراک کے ساتھ ہونیوالے مذاکرات میں پنجاب کی سرکار نے 20 کلو آٹے کے تھیلے کی قیمت 850 روپے مقرر کی تھی۔ جس پر فلور ملز ایسوسی ایشن نے اپنے تحفظات کا اظہار کردیا تھا۔ ان تحفظات کے پیش نظر فریقین کے درمیان 20 کلو آٹے کا تھیلا 860 روپے میں فروخت کرنے پر سمجھوتہ طے پا گیا ہے۔ مذاکرات میں فریقین نے پنجاب کی شہری آبادی کے ساتھ ساتھ دیہی آبادی کی فلور ملز کو بھی گندم کا کوٹہ فراہم کرنے پر اتفاق کرلیا ہے۔

Facebook Twitter Google + Share on Whatsapp

پنجاب میں 20 کلو آٹے کی قیمت 860 روپے فی تھیلا مقرر

متعلقہ عنوان :

مزید قومی خبریں