مزید 61افراد کورونا وائرس کے باعث چل بسے ،جاں بحق افراد کی تعداد 4983ہوگئی

3359نئے کیسز رپورٹ ہونے کے بعد مجموعی تعداد دو لاکھ چالیس ہزار 848تک جا پہنچی آئیسولیشن ہسپتال اینڈ انفیکشن ٹریٹمنٹ سنٹر آج سے فعال، ہسپتال ریکارڈ 40 دنوں میں مکمل کیا گیا، این سی اوسی کا اعلامیہ

جمعرات 9 جولائی 2020 11:34

مزید 61افراد کورونا وائرس کے باعث چل بسے ،جاں بحق افراد کی تعداد 4983ہوگئی

اسلام آباد(اُردو پوائنٹ اخبارتازہ ترین - این این آئی۔ 09 جولائی2020ء) ملک بھر میں چوبیس گھنٹوں کے دور ان مزید 61افراد کورونا وائرس کے باعث چل بسے جس کے بعد جاں بحق افراد کی تعداد 4983ہوگئی ، 3359نئے کیسز رپورٹ ہونے کے بعد مجموعی تعداد دو لاکھ چالیس ہزار 848تک جا پہنچی ۔ جمعرات کو نیشنل کمانڈ اینڈ آپریشن سنٹرکے تازہ اعداد و شمار جاری کر دیئے گئے جس کے مطابق گذشتہ 24 گھنٹوں میں مزید 61 اموات ہوئیں اور اس طرح کورونا سے اموات کی مجموعی تعداد 4ہزار983 ہوگئی۔

این سی اوسی کے مطابق گذشتہ 24 گھنٹوں میں 3359 نئے کیسزرپورٹ ہوئے،ملک بھرمیں مجموعی اموات 2 لاکھ 40 ہزار848ہوگئی۔ این سی اوسی کے مطابق سندھ میں 1637 اور پنجاب میں 1955 اموات ہوچکیں ، خیبرپختونخوامیں 1054 اوراسلام آبادمیں 142 اموات ہوگئیں ،بلوچستان 124 اورگلگت بلتستان 31 اموات ہوئیں، آزادکشمیرمیں کورونا سے اموات کی تعداد 40 ہوگئی۔

(جاری ہے)

این سی اوسی کے مطابق ملک بھرمیں کورونا کیسز میں نمایاں کمی دیکھی گئی ،ملک بھر میں صحتیاب ہونے والوں کی تعداد 1لاکھ 45 ہزار 311ہوگئی ۔

این سی اوسی کے مطابق ایکٹو کیسزکی تعداد 90 ہزار554 ہے ،آئیسولیشن ہسپتال اینڈ انفیکشن ٹریٹمنٹ سنٹر آج سے فعال کر نے کا اعلان کرتے ہوئے کہاکہ ہسپتال ریکارڈ 40 دنوں میں مکمل کیا گیا،ہسپتال میں 250 بیڈز کی سہولت موجود ہے،ملک بھر میں کورونا مریضوں کیلیے 1568 وینٹی لیٹر دستیاب ہیں