افغانستان میں سویلین ہلاکتوں کے حوالے سے کیوی فوج جھوٹ بولتی رہی

مختلف آپریشنز میں فوج نے اپنی عوام اور حکومتی وزراء سے غلط بیانی کرتے رہے ، رپورٹ

جمعہ 31 جولائی 2020 20:23

افغانستان میں سویلین ہلاکتوں کے حوالے سے کیوی فوج جھوٹ بولتی رہی

ویلنگٹن (اُردو پوائنٹ اخبارتازہ ترین - آن لائن۔ 31 جولائی2020ء) افغانستان میں مختلف آپریشنز کے دوران شہریوں کی ہلاکت کے معاملے پر نیوزی لینڈ کی فوج نے اپنی عوام اور حکومتی وزرائ کے ساتھ غلط بیانی سے کام لیا۔ غیر ملکی خبر رساں ادارے کے مطابق ایک تحقیقاتی رپورٹ میں یہ انکشاف کیا گیا ہے۔

(جاری ہے)

رپورٹ میں کہا گیا ہے کہ اکیس اور بائیس اگست سن 2010 کو کیوی فوج نے افغانستان کی وادی ترگیاں میں ’آپریشن برن ہیم‘ کیا، جس میں سویلین ہلاکتیں ہوئیں۔

تفتیش کرنے والے افسران کے مطابق امکاناً ایک بچی بھی اس آپریشن میں ہلاک ہوئی تھی مگر کیوی فوج اب تک یہی کہتی آئی تھی کہ اس آپریشن میں کوئی سویلین ہلاک نہیں ہوا تھا۔ مجموعی طور پر ہلاک ہونے والوں کی تعداد سات تھی، جن میں سے تین باغی تھے۔ کیوی فوج نے حکومت اور عوام سے غلط بیانی پر معافی طلب کی ہے۔