بورڈ آف انٹرمیڈیٹ اینڈ سیکنڈری ایجوکیشن راولپنڈی کے زیرِ انتظام یوم استحصال کشمیرپر ریلی کاانعقاد

راولپنڈی ۔ (اُردو پوائنٹ اخبارتازہ ترین - اے پی پی۔ 05 اگست2020ء) بورڈ آف انٹرمیڈیٹ اینڈ سیکنڈری ایجوکیشن راولپنڈی کے زیر ِ انتظام یوم استحصال کشمیر کے حوالے سے ایک ریلی کا اہتمام کیا گیا ،ریلی میں سیکرٹری بورڈ ڈاکٹر تنویر ظفر ، کنٹرولر امتحانات ملک محسن عباس ، بورڈ افسران و اہلکاران نے شرکت کی، ریلی کی قیادت ڈاکٹر غلام دستگیر چیئرمین تعلیمی بورڈ راولپنڈی نے کی ۔

ریلی بورڈ آفس سے شر وع ہوکر مورگا ہ بازار سے گزر تے ہوئے جمپ سٹاب جامع مسجد سے ہوتے ہوئے بورڈا ٓفس میں اختتام پذیر ہوئی ۔ ریلی کے شرکاء سے خطا ب کرتے ہو ئے مقررین نے کہا کہ کشمیر بلا شعبہ پاکستان کی شہ رگ ہے اور ہم اپنی شہ رگ کسی کے رحم و کرم پر نہیں چھوڑسکتے، ایک پرندہ بھی قفس سے آزاد ی چاہتا ہے تو ایک کڑور سے زائد کشمیریو ں کے لئے آزادی کیوں نہیں ہے، وہاں آزادی کے نام پر زبان کٹتی ہے، پاکستان کی محبت کے نام پر پھانسی ملتی ہے، سچ بولنے پر قید و بند کی سز ا ملتی ہے ،نہتے کشمیریوں کو خاک و خون میں نہلا دیا جاتا ہے، ہر طرف آگ اورخون کا سیلاب رواں ہے کشمیریوں پر ہر لحظہ و ہر آن قیامت ٹوٹتی ہے ۔

(جاری ہے)

انھوں نے کہا کہ آ ج وقت ہم سے عمل اور فقط عمل کا تقاضا کر رہا ہے ہمیں اپنے فکرو عمل سے کشمیریوں کو باور کرانا ہے کہ اگر ہمارا ماضی ایک تھا تو ہمار ا مستقبل بھی ان سے جدا نہیں، ہمارے لہو کا رنگ ایک ہے ہمار ی آرزو اور امنگ ایک ہے، کشمیر ہمار ا ہے اور ہر قیمت پر ہمار ا ہے، تو اے اہل ِ کشمیر سن لو کہ ہمار ا سب کچھ تمہار ا ہے، ہماری وفائیں ہمار ی دعائیں تمہارے لیے ہیں، ہمار ے ایمان کی حرارت اور بازوں کی قوت تمہارے لیے ہے، اے ارضِ کشمیر تو ہمار ی شہ رگ ہے ۔ آخر میں کشمیری عوام کے لئے دعا کروائی گئی کہ وہ بہت جلد آزاد فضا میں سانس لے سکیں ۔