وسیم اکرم کراچی کے ساحل پر پھیلی گندگی دیکھ کر مایوس

انگلینڈ جانے سے پہلے شنیرا اور سب نے ملکر ساحل صاف کیا تھا،واپسی کے بعد ساحل کو آکر دیکھا تو مایوسی ہوئی،ساحل پر ہر طرف پھیلی جوتیاں، پلاسٹک بیگز سمیت دیگر چیزیں آسمان سے نہیں آئیں: سابق کپتان

ذیشان مہتاب بدھ 9 ستمبر 2020 14:46

وسیم اکرم کراچی کے ساحل پر پھیلی گندگی دیکھ کر مایوس

کراچی (اردو پوائنٹ تازہ ترین اخبار ۔ 9 ستمبر 2020ء ) سوئنگ کے سلطان اور قومی ٹیم کے سابق کپتان وسیم اکرم نے کراچی میں ساحل پر پھیلی گندگی کی جانب توجہ دلا دی ۔ 54 سالہ وسیم اکرم انگلینڈ سے وطن واپس پہنچنے کے بعد کراچی کی حالت زار دیکھ کر پریشان ہوگئے۔ انہوں نے کہا کہ ’’انگلینڈ جانے سے پہلے ساحل بالکل صاف تھا، شنیرا اور سب نے مل کر ساحل کو کلین کیا تھا، وسیم اکرم نے مزید کہا کہ وطن واپسی کے بعد ساحل کو آکر دیکھا تو مایوسی ہوئی ہے۔

(جاری ہے)

انہوں نے استفسار کیا کہ کیا بارش کی وجہ سے ساحل سمندر گندا ہوسکتا ہے؟، وسیم اکرم نے یہ بھی کہا کہ ساحل پر ہر طرف پھیلی جوتیاں، پلاسٹک بیگز سمیت دیگر چیزیں آسمان سے نہیں آئیں‘‘۔