امن و امان کے قیام کے علاوہ تعلیمی ترقی اور طبی سہولتوں کی فراہمی فرنٹیئر کور کی بنیادی ترجیحات میں شامل ہیں ،

انسپکٹر جنرل فرنٹیئر کور بلوچستان

ہفتہ 26 ستمبر 2020 18:47

کوئٹہ(اُردو پوائنٹ اخبارتازہ ترین - این این آئی۔ 26 ستمبر2020ء) انسپکٹر جنرل فرنٹیئر کور بلوچستان میجر جنرل فیاض حسین شاہ نے گزشتہ روز کیڈٹ کالج مستونگ کا دورہ کیا۔ دورے کے دوران آئی جی ایف سی نے کیڈٹ کالج مستونگ میں ایف سی کی جانب سے حالیہ قائم کردہ فٹنس کلب اور کمپیوٹر لیب کا افتتاح کیا۔

(جاری ہے)

اس موقع پر انسپکٹر جنرل فرنٹیئر کور بلوچستان میجر جنرل فیاص حسین شاہ نے طلباء اور اسٹاف سے خطاب کرتے ہوئے کہا کہ امن و امان کے قیام کے علاوہ تعلیمی ترقی اور طبی سہولتوں کی فراہمی فرنٹیئر کور کی بنیادی ترجیحات میں شامل ہیں۔

انہوں نے کہا کہ صوبے میں تعلیمی معیار بلند کرنے میں کیڈٹ کالج مستونگ کا ایک اہم کردار رہا ہے۔ انہوں نے کہا کہ تعلیمی ترقی ہماری اولین ترجیح ہونی چاہیے کیونکہ تعلیم وہ شعبہ ہے جس میں اقوام کی ترقی کا راز پوشیدہ ہوتا ہے۔