تمباکو اپنے نصف صارفین کو ہلاک کردیتا ہے، ثنا اللہ گھمن

بدھ اکتوبر 23:12

راولپنڈی (اُردو پوائنٹ اخبارتازہ ترین - آن لائن۔ 14 اکتوبر2020ء) پاکستان نیشنل ہارٹ ایسوسی ایشن (پناہ) کے جنرل سیکرٹری ثنا اللہ گھمن نے بتایاکہ تمباکو اپنے نصف صارفین کو ہلاک کردیتا ہے۔روزانہ ایک یا دو شوگری ڈرنکس کے استعمال سے 42فیصد ہارٹ اٹیک کا خدشہ بڑھ جاتاہے۔یہ بات پناہ نہیں کہتی بلکہ یہ سائنسی محققین کی تحقیق ہے۔

(جاری ہے)

عام فرد کی جان بچانے کے لئے پناہ کی کوششوں کے ردِ عمل پر وزیراعظم عمران خان اور وفاقی کابینہ نے یہ بل پاس کیا کہ سیگریٹ کی ایک ڈبی پر 10 روپے اور شوگری ڈرنکس کی چھوٹی بوتل پر 1روپیہ بڑھایا جائے جس پر سول سوسائٹی اور حفظانِ صحت کے کارکنان میں خوشی کی لہر دوڑ گئی اور گورنمنٹ کے اس اقدام کی بہت تعریف کی گئی لیکن صدافسوس اس پر نہ تو وفاقی بجٹ 2019-2020 اور نہ ہی 2020-2021 کے بجٹ میں عمل درآمد ہوا جس پر ہم نے ایف بی آر سے بھی رجوع کیا لیکن اس پر بھی کوئی مثبت پیش رفت سامنے نہ آسکی۔

اپنی عوام کو امراض سے بچانے کے لئے پناہ نے وفاقی محتسب سے رابطہ کیاجس پر ہماری مثبت کاوشیں رنگ لائیں اور ہماری درخواست سماعت کے لئے منظور کر لی گئی۔ اپنی عوام کو بچانے کے لئے پناہ اپنی جدوجہد اسی طرح جاری رکھے گی