سینئر وزیرعبد العلیم خان بھی کورونا میں مبتلا ہوگئے ،وزراء کی مجموعی تعداد تین ہو گئی

جمعہ 16 اکتوبر 2020 20:31

لاہور(اُردو پوائنٹ اخبارتازہ ترین - این این آئی۔ 16 اکتوبر2020ء) سینئر وزیر عبد العلیم خان بھی کورونا میں مبتلا ہوگئے جس کے بعد کورونا کا شکار وزراء کی مجموعی تعداد تین ہو گئی ہے۔

(جاری ہے)

تفصیلات کے مطابق پنجاب حکومت کے وزیر صنعت میاں اسلم اقبال اوروزیر زراعت حسین جہانیاں گردیزی کے بعد سینئر وزیرعبد العلیم خان بھی کورونا وائرس کا شکار ہو گئے ہیں۔ بتایا گیا ہے کہ تینوں وزراء نے خود کو قرنطینہ کر رکھا ہے ۔ دوسری جانب چیئرمین پی اینڈ ڈی حامد یعقوب، سیکرٹری پنجاب اسمبلی محمد خان بھٹی ،سیکرٹری خوراک اسد گیلانی بھی کورونا میں مبتلا ہیں۔