وزیراعلیٰ کا راوی روڈپر ڈور پھرنے سے موٹر سائیکل سوار کے زخمی ہونے کا نوٹس،غفلت کے ذمہ داروں کیخلاف کارروائی کا حکم

پیر اکتوبر 18:17

وزیراعلیٰ کا راوی روڈپر ڈور پھرنے سے موٹر سائیکل سوار کے زخمی ہونے ..
لاہور(اُردو پوائنٹ اخبارتازہ ترین - این این آئی۔ 26 اکتوبر2020ء) وزیراعلیٰ پنجاب سردار عثمان بزدارنے راوی روڈپر ڈور پھرنے سے موٹر سائیکل سوار کے زخمی ہونے کے واقعہ کا نوٹس لیتے ہوئے سی سی پی او لاہور سے رپورٹ طلب کرلی ہے۔

(جاری ہے)

وزیراعلیٰ عثمان بزدار نے غفلت کے ذمے داروں کے خلاف سخت قانونی کارروائی کا حکم دیتے ہوئے کہا کہ سخت ہدایات کے باوجود پتنگ بازی کے واقعات کو نہ روکنا متعلقہ پولیس کی غفلت ہے۔

غفلت کے ذمہ دار ایس ایچ او کے خلاف کارروائی کی جائے۔انہوںنے کہا کہ لاہور سمیت پنجاب بھر میں پتنگ بازی پر پابندی کے قانون پر مکمل عملدرآمد یقینی بنایا جائے۔ آئندہ پتنگ بازی کی شکایت پرمتعلقہ ایس ایچ کیخلاف ایکشن لیا جائے گا ۔وزیراعلیٰ نے مزید ہدایت کی کہ زخمی شخص کو علاج معالجے کی بہترین سہولتیں فراہم کی جائیں۔