سی پی او کی ہدایت پر راولپنڈی پولیس کی جانب سے ربیع الاوّل کے جلوسوں کے حوالے سے میٹنگزکاسلسلہ جاری

میٹنگز میں ممبران امن کمیٹی اورمنتظمین جلوس کی شرکت،ربیع الاوّل کے جلوسوں /میلادکی محفلوں پر بھر پور تعاون کا یقین دلا یا

منگل 27 اکتوبر 2020 16:45

راولپنڈی(اُردو پوائنٹ اخبارتازہ ترین - این این آئی۔ 27 اکتوبر2020ء) سی پی او راولپنڈی کی ہدایت پر راولپنڈی پولیس کی جانب سے ربیع الاوّل کے جلوسوں کے حوالے سے میٹنگزکاسلسلہ جاری،میٹنگز میں ممبران امن کمیٹی اورمنتظمین جلوس کی شرکت،ربیع الاوّل کے جلوسوں /میلادکی محفلوں پر اپنے بھر پور تعاون کا یقین دلا یا۔

(جاری ہے)

تفصیلات کے مطابق سٹی پولیس آفیسر ڈی آئی جی محمد احسن یونس کی ہدایت پر راولپنڈی پولیس کی جانب سے ربیع الاوّل کے جلوسوں کے حوالے سے میٹنگز کاسلسلہ جاری ہے، ایس ڈی پی اوگوجرخان حناء نیک بخت اورایس ایچ اوصادق آباد طاہر ریحان اپنے علاقے میں منعقد ہونے والے ربیع الاوّ ل کے جلوسوںکے سلسلہ میں ممبران امن کمیٹی اورمنتظمین جلوس سے میٹنگ کا انعقاد کیا،میٹنگ میں ممبران امن کمیٹی،جلوسوں کے منتظمین اورمیلا دکمیٹیوں کے صدور نے شرکت کی،شرکاء میٹنگ سے خطاب کرتے ہوئے ایس ڈی پی اوگوجرخان اورایس ایچ اوصادق آبا دنے کہاکہ جلوسوں پرقیام امن کے لیے امن کمیٹی اورمنتظمین کا تعاون ناگزیز ہے،نیشنل ایکشن پلان پر عمل درآمد کرتے ہوئے جلوسوں /پروگراموںکو مکمل سیکورٹی فراہم کی جائے گی،جلوسوں کی سیکورٹی کے لیے انٹری پوائنٹس پر باقاعدہ چیکنگ کی جائے گی،مذہبی ہم آہنگی اوراتحاد بین المسلمین وقت کی اہم ضرورت ہے جس کے پیش نظر ہمیں آپس میں اتفاق اوراتحاد کو فروغ دینا ہے تاکہ شر پسند عناصر اپنے مذموم مقاصد میں کامیاب نہ ہوسکیں،پولیس افسران نے کہاکہ ربیع الاوّل کے جلوسوں پر ٹریفک پولیس کے تعاون سے ٹریفک کی روانی کے لیے مناسب انتظامات کیے جائیں گے،ممبران امن کمیٹی اورمنتظمین جلوس نے پچھلے سالوں کی طرح اس سال بھی امن وامان قائم رکھنے کے لیے اپنے بھرپور تعاون کا یقین دلایا،اجلاس کے اختتام پر ملکی سلامتی،امن وامان کے قیام اور امت مسلمہ کے اتحاد و حدت کے لئے خصوصی دعا کروائی گئی۔