بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن

بلوچستان علیحدگی پسند عناصر بیرونی فنڈنگ سے صوبہ میں دہشتگردی کی فضا پیدا کرنے کے لیے سرگرم ہیں، پنجابی مسافروں کا قتل صوبائیت کو فروغ دینے کی کڑی ہے۔ رہنما مسلم لیگ ق

عمر جمشید پیر 15 اپریل 2024 13:18

بلوچستان پاکستان کا مستقبل اور گوادر معیشت کے سفر میں اہم سنگ میل ثابت ..

لاہور (اُردو پوائنٹ اخبارتازہ ترین۔ 15 اپریل2024ء) مسلم لیگ ق کے رہنما خواجہ رمیض حسن نے کہا کہ ملک دشمن عناصر دن رات ملک کو عدم استحکام کا شکار کرنے کے لیے کوشاں رہتے ہیں۔ انہوں نے کہا کہ افواجِ پاکستان اور قانون نافذ کرنے والے ادارے اندرونی و بیرونی چیلنجز سے نمٹنے کے لیے انتہائی جانفشانی سے مصروف عمل ہیں۔

(جاری ہے)

انہوں نے کہا کہ پاکستان محفوظ اور مستحکم ریاست کی جانب گامزن ہے جسے سبوتاژ کرنے کےلیے دشمن ہر ممکنہ بحران پیدا کرنے کی کوشش میں ہے۔

انہوں نے مزید کہا کہ بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا، بلوچستان علیحدگی پسند عناصر بیرونی فنڈنگ سے صوبہ میں دہشتگردی کی فضا پیدا کرنے کے لیے سرگرم ہیں، پنجابی مسافروں کا قتل صوبائیت کو فروغ دینے کی کڑی ہے۔