مظفر گڑھ، پولیس کا جوئے کے اڈے پر چھاپہ، پانچ جواری گرفتار کرلئے

جمعرات 26 نومبر 2020 16:52

مظفرگڑھ (اُردو پوائنٹ اخبارتازہ ترین - این این آئی۔ 26 نومبر2020ء) مظفرگڑھ کے علاقے کرمداد قریشی کے تھانہ کرمدادقریشی پولیس کا جوئے کے اڈے پر چھاپہ، 5 جواریوں کو 20300 روپے نقدی کے ساتھ گرفتار کرکے مقدمہ درج اور حوالات بند کر دیا گیا۔

(جاری ہے)

تفصیل کے مطابق تھانہ کرمداد قریشی کے ایس ایچ او محمد کامران سیف نے جرائم کے خاتمہ کیلئے حمزہ غفور سب انسپکٹر کی قیادت میں ریاض حسین گورمانی اے ایس آئی، مہر ریاض اے ایس آئی کو سعید احمد سمیجہ، رضوان الحق اور جاوید اقبال کی ٹیم تشکیل دے کر پڑتال جرائم کیلئے غازی گھاٹ بھیجا، وہاں پر مخبری ہوئی کہ موضع بیٹ اترا میں مکان کے اندر جوا کھیلا جارہا ہے، حمزہ غفور سب انسپکٹر نے ٹیم کے ہمراہ مخبر کی نشاندہی کے مطابق پہنچ کر 5 جواریوں عنصر اعجاز ولد اعجاز حسین، محمد آصف ولد منظور حسین، محمد شفیع ولد غلام سرور اترا، محمد طاہر ولد غلام مرتضی چن، توقیر اعجاز ولد اعجاز حسین چائڈیہ کو داؤ پرلگی نقدی رقم 20300 روپے 2 عدد موبائل کی برآمدگی کے ساتھ موقع پر رنگے ہاتھوں گرفتار لیا، پولیس نے مقدمہ درج کرکے حوالات میں بند کر دیا، ایس ایچ او محمد کامران سیف نے صحافیوں سے گفتگو کرتے ہوئے کہا کہ جرائم پیشہ افراد کتنے ہی باثر کیوں نہ ہوں، کوئی رعایت نہیں برتی جائے گی، مخبری کرنے والے شخص کا نام صیغہ راز میں رکھا جائے گا۔