Live Updates

پارلیمنٹ کو تحلیل کرنے کا بل لایا گیا توہم اس کی مخالفت کریں گے،بنجمن نیتن

اسرائیل کی اقتصادی صورتحال کی بہتری ،عرب ممالک کیساتھ امن معاہدوں کا عمل آگے بڑھانے کیلئے حکومت کا اقتدار میں رہنا ضروری ہے ،اسرائیلی وزیراعظم

منگل دسمبر 17:04

پارلیمنٹ کو تحلیل کرنے کا بل لایا گیا توہم اس کی مخالفت کریں گے،بنجمن ..
مقبوضہ بیت المقدس (اُردو پوائنٹ اخبارتازہ ترین - این این آئی۔ 01 دسمبر2020ء) اسرائیلی وزیراعظم بنجمن نیتن یاھو نے کہا ہے کہ پارلیمنٹ کو تحلیل کرنے کا بل لایا گیا توہم اس کی مخالفت کریں گے۔کابینہ کے اجلاس سے خطاب کرتے ہوئے نیتن یاھو نے کہا کہ ان کی حکومت کرونا کی وبا کی روک تھام اور عرب ملکوں کے ساتھ سفارتی تعلقات کی بحالی کی کوششیں جاری رکھے گی۔

نیتن یاھو نے کہا کہ لیکوڈ پارٹی اور 'کاحو لاوان' کے درمیان پیدا ہونے والے بحران کو حل کیا جائیگا۔

(جاری ہے)

انہوں نے کہا کہ پارلیمنٹ میں پیش کردہ مسودہ قوانین پر اتفاق رائے پیدا کرنے کی کوشش کریں گے۔نیتن یاھو نے کہا کہ موجودہ حکومت کا اقتدار میں رہنا ضروری ہے۔ اسرائیل کی اقتصادی صورت حال کی بہتری اور عرب ممالک کے ساتھ امن معاہدوں کا عمل آگے بڑھانا ضروری ہے۔خیال رہے کہ اسرائیلی کنیسٹ میں فیوچر پارٹی کے رہ نما اور اپوزیشنلیڈر یائیر لبید نے ٹویٹر پرپوسٹ کردہ ایک بیان میں کہا تھا کہ ہمیں ایک ایسی حکومت اور پارلیمںٹ کی ضرورت ہیجس پرعوام کوبھرپور اعتماد حاصل ہو ان کا کہنا تھا کہ اقتصادی ترقی کے لیے قابل اعتماد حکومت کا قیام ناگزیر ہے۔

کرونا وائرس کی دوسری لہر سے متعلق تازہ ترین معلومات