انٹر بینک میں ڈالرکی قیمت 159.90روپے جب کہ اوپن کرنسی مارکیٹ میں160.20روپے ہوگئی

منگل 1 دسمبر 2020 18:38

کراچی (اُردو پوائنٹ اخبارتازہ ترین - این این آئی۔ 01 دسمبر2020ء) مقامی کرنسی مارکیٹوں میں منگل کو پاکستانی روپے کے مقابلے میں امریکی ڈالر کی قدر میں اضافے کا رجحان رہا اور انٹر بینک میں ڈالر 159.90روپے جب کہ اوپن کرنسی مارکیٹ میں160.20روپے ہوگئی ۔

(جاری ہے)

فاریکس ایسوسی ایشن آف پاکستان کے مطابق گزشتہ روز انٹر بینک میں روپے کے مقابلے ڈالر کی قیمت خرید45پیسے کے اضافے سے 159.35روپے سے بڑھ کر159.80روپے اورقیمت فروخت159.45روپے سے بڑھ کر159.90روپے ہوگئی جب کہ مقامی اوپن کرنسی مارکیٹ میں ڈالر کی قیمت خرید30پیسے کے اضافے سی159.40روپے سے بڑھ کر159.70روپے اور قیمت فروخت40پیسے کے اضافے سی159.80روپے سے بڑھ کر160.20روپے ہوگئی۔

دیگر کرنسیوں میں یورو کی قیمت خرید50پیسے کے اضافے سی188.50روپے سے بڑھ کر189روپے ہوگئی اور قیمت فروخت190.50روپے سے بڑھ کر191روپے ہوگئی جب کہ50پیسے کے اضافے سے برطانوی پونڈ کی قیمت خرید210.50روپے سے بڑھ کر211روپے اور قیمت فروخت212.50روپے سے بڑھ کر213روپے ہوگئی۔