جب بھی شریف خاندان کے کسی فرد کی صحت خراب ہو تو اس کا مطلب ہے معاملہ پار لگنے والا ہے

مریم نواز کی طبیعت خرابی کی خبر سامنے آنے کے بعد سینئر صحافی ارشاد بھٹی کا معنی خیز دعویٰ

محمد علی بدھ 6 جنوری 2021 21:14

جب بھی شریف خاندان کے کسی فرد کی صحت خراب ہو تو اس کا مطلب ہے معاملہ ..

لاہور (اُردو پوائنٹ اخبار تازہ ترین۔ 06 جنوری 2021ء) مریم نواز کی طبیعت خرابی کی خبر سامنے آنے کے بعد سینئر صحافی ارشاد بھٹی کا معنی خیز دعویٰ۔ تفصیلات کے مطابق سابق وزیراعظم نواز شریف کی صاحبزادی مریم نواز کی خرابی صحت کی خبر پر نجی ٹی وی چینل کے پروگرام سے گفتگو کرتے ہوئے سینئر صحافی ارشاد بھٹی نے ردعمل دیا۔ انہوں نے کہا کہ خبر سامنے آئی کہ مریم نواز کا ایم آر آئی کروایا جائے گا، جب بھی شریف خاندان کے کسی فرد کی صحت خراب ہو تو اس کا مطلب ہے معاملہ پار لگنے والا ہے۔

واضح رہے کہ مسلم لیگ ن کی نائب صدر مریم نواز نے بدھ کے روز بنوں میں ہوئے پی ڈی ایم جلسے میں شرکت نہیں کی۔ بتایا گیا کہ مریم نواز کی طبیعت اچانک خراب ہو گئی جس کے بعد انہیں ڈاکٹروں نے انہیں آرام کا مشورہ دیا ہے، اسی باعث وہ جلسے میں شرکت نہیں کر سکیں۔

(جاری ہے)

اس حوالے سے گزشتہ رات خبر سامنے آئی تھی کہ مریم نواز ممکنہ طور پر موسم کی خرابی کے باعث لاہور سے بنون کیلئے روانہ نہیں ہو پائیں گی، تاہم پھر بدھ کے روز اعلان کیا گیا کہ مریم نواز طبیعت کی خرابی کی وجہ سے بنوں کا سفر نہیں کریں گی۔

اس حوالے سے سینئر صحافی کاشف عباسی نے تبصرہ کرتے ہوئے کہا ہے کہ اس سے قبل ن لیگ اور پیپلز پارٹی دونوں جماعتوں کے گڑھ میں ہوئے جلسوں میں پی ڈی ایم کی تمام سینئر قیادت موجود تھی، تاہم آج بنوں جو کہ مولانا فضل الرحمان کا گڑھ ہے، وہاں ہوئے جلسے میں ناصرف بلاول بھٹو غیر حاضر رہے، بلکہ مریم نواز نے بھی جلسے میں شرکت نہیں کی۔ ان دونوں رہنماوں کے علاوہ ن لیگ اور پیپلز پارٹی کے دیگر بیشتر سینئر رہنماوں نے بھی بنوں جلسے میں شرکت نہیں کی۔