امریکا کے46ویں صدر جوبائیڈن کی زندگی پرایک نظر
29سال کی عمر میں سینیٹرمنتخب ہونے والے بائیڈن36سال تک روزانہ ٹرین کے ذریعے ڈیلاویئر اور واشنگٹن کے درمیان سفرکرتے رہے‘ان کے کئی پوتے پوتیاں اور نواسے ‘نواسیاں ہیں
میاں محمد ندیم بدھ 20 جنوری 2021 22:45
(جاری ہے)
جو بائیڈن نے ڈیلاویئر یونیورسٹی اور سیراکیوز سکول آف لا سے ڈگری حاصل کی اور 1972 میں محض 29 سال کی عمر میں وہ امریکی سینیٹ کے رکن منتخب ہوئے لیکن اس کامیابی کے کچھ ہی ہفتوں بعد بائیڈن کو ایک خاندانی المیے کا سامنا کرنا پڑا جب ان کی اہلیہ اور ایک سالہ بیٹی کرسمس کی شاپنگ کے دوران گاڑی کے حادثے میں ہلاک ہو گئیں. اس سانحے کے بعد انہوں نے اپنے دو بیٹوں کی دیکھ بھال کی خاطر 36 سال تک روزانہ ڈیلاویئر اور واشنگٹن کے درمیان ٹرین کا سفر کیا تاکہ رات اپنے بچوں کے ساتھ گزار سکیں انہوں نے 2008 میں امریکہ کا نائب صدر منتخب ہونے تک یہ معمول برقرار رکھا بعدازاں وہ واشنگٹن منتقل ہو گئے اپنی بیوی کی ہلاکت کے کئی سال بعد بائیڈن نے جل جیکب ٹریسی سے دوسری شادی کی جل بائیڈن تعلیم کے شعبے سے منسلک ہیں. بائیڈن 1987 اور 2007 میں پارٹی کی صدارتی نمائندگی حاصل کرنے کے خواہاں رہے لیکن دونوں بار وہ کامیاب نہ ہو سکے لیکن 2008 میں براک اوباما نے انہیں اپنے ساتھ بطور نائب صدر نامزد کیا 2012 میں وہ دوبارہ ووٹرز کا اعتماد حاصل کرنے میں کامیاب رہے بائیڈن نے سینیٹ کی کئی کمیٹیوں کی سربراہی کی انہیں امریکا میں سیاست کا وسیع تجربہ رکھنے والے سیاست دان کے طور پر بھی جانا جاتا ہے78سالہ جو بائیڈن امریکی سیاست میں کئی دہائیوں سے سرگرم ہیں ان کی اہلیہ جل ٹریسی بائیڈن پی ایچ ڈی ڈاکٹر ہیں بائیڈن اپنے حریف ریپبلکن پارٹی کے 74 سالہ ڈونلڈ ٹرمپ کو شکست دے کر منتخب ہوئے ہیں جو اس وقت 45 ویں امریکی صدر ہیں. جوبائیڈن آج دنیا کے طاقتور ترین مقام تصور کیے جانے والے وائٹ ہاﺅس کے نئے مکین بن جائیں گے صدر ٹرمپ کے برعکس جوبائیڈن کا خاندان بڑا ہے اور وہ دادا اور نانا بھی چکے ہیں اور ابھی یہ واضح نہیں ہے کہ ان کے ساتھ صدارتی محل میں ان کی اہلیہ سمیت اور کون کون مکین بنے گا. دنیا بھر کے لوگوں کی طرح پاکستانی عوام بھی منتخب امریکی صدر اور اس کے اہل خانہ سے متعلق جاننا چاہتا ہے اور گزشتہ دو ماہ کے دوران جوبائیڈن اور اس کے اہل خانہ سے متعلق انٹرنیٹ پر معلومات کو تلاش کرنے میں اضافہ دیکھا گیا 78 سالہ جوبائیڈن نے دومرتبہ صدارتی انتخابات میںپارٹی کی نامزدگی حاصل کرنے کی کوشش بھی کی مگر ایک مرتبہ وہ ناکام رہے جبکہ دوسری مرتبہ انہوں نے حتمی مراحل شروع ہونے سے قبل ہی انہوں نے دستبرداری کرلی تھی. جوبائیڈن نے دو شادیاں کیں ان کی پہلی شادی میں ان 5 بچوں ہوئے اور ان کی پہلی اہلیہ اور بیٹی ان کے پہلی مرتبہ سینیٹرمنتخب ہونے کے کچھ عرصے بعد روڈ حادثے میں ہلاک ہوگئیں تھیںجوبائیڈن کی زندگی حادثات سے بھری پڑی ہے انہیں دوسرا جھٹکا اس وقت لگا جب 2010 میں ان کے 46 سالہ بیٹے دماغ کے کینسر سے چل بسے تھے. پہلی اہلیہ نیلا ہنٹراور بیٹی کی 1972 میںہلاکت کے پانچ سال بعد انہوں نے 1977 میں انگریزی ادب کی استاد جل اسٹیونسن سے شادی کی اور ان کے ہاں 1981 میں بیٹی ایشلے بائیڈن کی پیدائش ہوئی. جوبائیڈن کے بڑے بیٹے ہنٹر بائیڈن نے بھی اپنے والد کی طرح قانون میں اعلی ڈگری حاصل کررکھی ہے ‘ہنٹربائیڈن اپنے دادا کے تیل کے خاندانی کاروبار کو بھی دوبارہ شروع کرنے کی کوشش کرتے رہے اور اسی وجہ سے انہوں نے تیل وگیس کے شعبے کو منتخب کیااس وقت 50 سال سے زائد العمر ہیں اور ان کے تین بچے ہیں. اسی طرح ان کی واحد بیٹی 39 سالہ ایشلے بائیڈن نے cultural anthropology(ثقافتی بشریات) میں ڈگری حاصل کررکھی ہے وہ سماجی کارکن کے طور پر کئی دہائیوں سے کام کررہی ہیں ایشلے شادی شدہ اور بچوں کی ماں ہیں اور جوبائیڈن اس وقت نانا اور دادا ہیں. جوبائیڈن اپنے چار بہن بھائیوں میں سب سے بڑے ہیں ان کی بہن والیرے بائیڈن ان کی انتخابی مہمات کے انچارج کے طور پر کام کرتی رہی ہیں اور اس سال بھی وہ ان کی صدارتی انتخابی مہم کا اہم حصہ تھیں‘اس کے علاوہ ان کے بھائی فرانسس جے بائیڈن اورجیمزبرائن بائیڈن ہیں.
مزید اہم خبریں
-
نو مئی: فوج کے غصے اور خان کی مقبولیت میں کوئی کمی نہیں آئی
-
کورکمانڈر ہاؤس تک کتنے ناکے لگے ہوتے ہیں، 9 مئی کو پولیس کہاں تھی؟
-
خیبرپختونخواہ کسانوں سے 3900 روپے کی قیمت پر گندم خریداری مہم شروع کرنے والا پہلا صوبہ بن گیا
-
قوم اور پاکستان نو مئی کے مجرموں کو بھولے ہیں نہ بھولیں گے
-
جتنی بھی سیاسی جماعتیں ہیں، وہ فارم 47 کے چھتری تلے سرکاری سسٹم میں آ گئی ہیں
-
پاکستان اور عالمی بنک اصلاحات اور ترقی کے ایجنڈے کو آگے بڑھانے کے لئے پارٹنرشپ فریم ورک پر کام کرنے پر متفق
-
وزیر اعظم شہباز شریف سے ازبکستان کے وزیر خارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
تکنیکی و فنی تعلیم کو یکساں کرنے اور بیرون ملک پاکستانی افرادی قوت کیلئے پاکستان سکل کمپنی اور سکل ڈویلپمنٹ فنڈ کے قیام کافیصلہ
-
33 سی ایم اسپیشل پراجیکٹس کی ٹائم لائن کے اندرتکمیل کے لیے ہدایات جاری
-
وزیراعلیٰ مریم نواز سے ترکمانستان کے سفیر عطاجان نورلیو یچ مولاموف کی ملاقات،تجارتی تعلقات بڑھانے پر اتفاق
-
وزیراعلیٰ مریم نواز سے جمہوریہ قازقستان کے سفیر کی ملاقات، شہدا کے بچوں کیلئے قازقستان میں سٹڈی کیلئے سکالرشپ کا اعلان
-
وزیراعظم محمد شہبازشریف سے عالمی بینک کے نائب صدر برائے جنوبی ایشیا کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.