افتخار علی ملک کی امریکی صدر جوبائیڈن کو مبارکباد

جمعہ جنوری 22:51

افتخار علی ملک کی امریکی صدر جوبائیڈن کو مبارکباد
کراچی (اُردو پوائنٹ اخبارتازہ ترین - این این آئی۔ 22 جنوری2021ء) پاک یو ایس بزنس کونسل کے بانی صدر،سارک چیمبر آف کامرس اینڈ انڈسٹری کے صدر اور چیئرمین یونائٹیڈ بزنس گروپ افتخار علی ملک نے جوبائیڈن کو امریکہ کے نئے صدر کا عہدہ سنبھالنے پر مبارکباد پیش کی ہے۔

(جاری ہے)

افتخار علی ملک نیتوقع کا اظہار کیا ہے کہ جوبائیڈن کے دور اقتدار میںپاکستان کو دہشت گردی کی جنگ کے تناظر میں ہونے والے نقصان کے ازالے اور امریکی منڈیوں تک زیروریٹیڈ فری مارکیٹ رسائی فراہم کی جائے گی۔

افتخار علی ملک نے کہا کہ پاکستان میں تیار ہونے والی مصنوعات معیار کے اعتبار سے انتہائی بہتر ہیں اورامریکی مارکیٹوں میں ان کی کھپت کے وسیع امکانات ہیں اورامید ہے کہ نومنتخب امریکی صدر جوبائیڈن پاکستان کے ساتھ باہمی تجارت کو فروغ دینے کیلئے اہم اقدامات کریں گے۔