ارب پتی جاپانی شخص کا آٹھ افراد کو چاند کی سیر کرانے کاا علان

دنیا بھر سے سب کو دعوت دے رہاہوں،کوئی بھی آٹھ افرادمیرے ساتھ چاند پرجاسکتے ہیں،یوسکومیزاوا

جمعرات 4 مارچ 2021 16:58

ارب پتی جاپانی شخص کا آٹھ افراد کو چاند کی سیر کرانے کاا علان

ٹوکیو (اُردو پوائنٹ اخبارتازہ ترین - این این آئی۔ 04 مارچ2021ء) جاپان کے امیر کبیر آن لائن ڈیزائنر یوسکو میزاوا کی جانب سے دنیا بھر میں سے 8 افراد کو اپنے ساتھ چاند کی سیر پر جانے کی دعوت دی گئی ہے۔غیرملکی خبررساں ادارے کے مطابق جاپان سے تعلق رکھنے والے ارب پتی آن لائن فیشن تائیکون یوسکو میزاوا کی جانب سے دنیا بھر سے 8 افراد کو اپنے ساتھ چاند پر لے جانے کا اعلان کیا گیا ، یوسکو میزاوا کی جانب سے چاند کی سیر پر جانے کے لیے خرچ کی گئی رقم نہیں بتائی گئی ہے جبکہ ان کا کہنا تھا کہ چاند کے گرد اس سیر کے لیے ان کے ساتھ دنیا بھر سی6 سے 8 آرٹسٹ جا سکتے ہیں۔

یوسکو میزاوا کی جانب سے اپنے ٹوئٹر اکاونٹ پر اپلوڈ کی گئی ویڈیو میں کہنا تھا کہ وہ دنیا بھر سے سب کو دعوت دے رہے ہیں، دنیا بھر سے کوئی بھی 8 افراد ان کے ساتھ چاند کے گرد سیر کے لیے جا سکتے ہیں، انہوں نے اس سیر کی ساری سیٹس خرید لی ہیں، یہ سیرو تفریح کا ایک نجی سفر ہوگا۔

(جاری ہے)

یوسکو میزاوا نے کہا کے پہلے ان کا اراداہ تھا کہ وہ اس سفر میں اپنے ساتھ آرٹسٹ لے کر جائیں گے مگر پھر انہوں نے سوچا کہ دنیا کا ہر وہ انسان آرٹسٹ ہے جو باقی دوسرے لوگوں کے مقابلے میں کچھ مختلف اور تخلیقی کام کر رہا ہے۔

جاپانی ارب پتی کا کہناتھا کہ اس سفر پر جانے کے لیے درخواست جمع کرانے کے لیے صرف دو کام کرنا لازمی ہیں جن میں اپنی درخواست کو تخلیقی طریقے سے جمع کرانا ہے اور دوسرا یہ کہ اس کام میں دوسروں کی مدد کرنا ہے۔اس سفر کے دوران 10 سے 12 لوگ موجود ہوں گے جو زمین پر واپس لوٹنے سے قبل ایک ساتھ ایک لوپ میں رہیں گے، اس سفر کے لیے درخواست 14 مارچ سے قبل جمع کروائی جا سکتی ہے جن میں سے چاند پر جانے والے افراد کے ناموں کا اعلان 21 مارچ کو کیا جائے گا۔واضح رہے کہ 45 سالہ یوسکو میزاوا کی جانب سے 2018 میں چاند پر جگہ خریدنے کا اعلان کیا گیا تھا جبکہ چاند پر جانے کی اس مہم کا آغاز سال 2023 کے آغاز میں شروع کیے جانے کا امکان ہے۔