پارلیمنٹ ہاوس کے باہر کشیدگی ، پی ٹی آئی کارکنوں اور ن لیگی رہنماوں کی ہاتھا پائی

مسلم لیگ (ن) کے رہنما سابق وزیر اعظم شاہد خاقان عباسی، ترجمان ن لیگ مریم اورنگزیب ، سابق وفاقی وزیر احسن اقبال اور دیگر اسلام آباد میں میڈیا سے گفتگو کررہے تھے کہ اس دوران تحریک انصاف کے کارکنان کی بڑی تعداد بھی ریڈ زون میں پہنچ گئی

ساجد علی ہفتہ 6 مارچ 2021 11:57

پارلیمنٹ ہاوس کے باہر کشیدگی ، پی ٹی آئی کارکنوں اور ن لیگی رہنماوں ..

اسلام آباد (اُردو پوائنٹ اخبارتازہ ترین۔ 06 مارچ2021ء) پارلیمنٹ ہاوس کے باہر کشیدگی کے دوران پی ٹی آئی کارکنوں نے مسلم لیگ ن کے رہنماوں کو گھیر لیا۔

(جاری ہے)

تفصیلات کے مطابق مسلم لیگ (ن) کے رہنما سابق وزیر اعظم شاہد خاقان عباسی، ترجمان ن لیگ مریم اورنگزیب ، سابق وفاقی وزیر احسن اقبال اور دیگر اسلام آباد میں میڈیا سے گفتگو کررہے تھے کہ اس دوران تحریک انصاف کے کارکنان کی بڑی تعداد بھی ریڈ زون میں پہنچ گئی ، پی ٹی آئی ارکان نے عمران خان کی حمایت میں پلے کارڈ اٹھا رکھے تھے ، اس دوران پی ٹی آئی کارکنوں کا بینرز اٹھا کر اپوزیشن کے خلاف نعرے بازی کی۔

بتایا گیا ہے کہ پی ٹی آئی کارکنان اور مسلم لیگ ن کے رہنماؤں کے درمیان ہاتھا پائی بھی ہوئی جس میں لیگی رہنما مصدق ملک اور شاہد خاقان عباسی بھی پی ٹی آئی کارکنان سے دست و گریباں ہوگئے ، اس دوران شدید تلخ کلامی بھی ہوئی ، پی ٹی آئی کارکنوں اور مصدق ملک کے ایک دوسرے کو دھکے بھی دیے ، جس کے بعد ن لیگی کارکنان نے اپنے رہنماؤں کو حفاظتی حصار میں لے لیا۔