ترک حکومت نیٹو سمٹ کے موقع پر ایردوآن بائیڈن ملاقات سے متعلق پرامید

ملاقات میں شام، افغانستان اور دیگر بحران زدہ خطوں کی صورت حال پر گفتگو کی جائے گی،ترک وزیرخارجہ

جمعرات 10 جون 2021 17:41

انقرہ (اُردو پوائنٹ اخبارتازہ ترین - این این آئی۔ 10 جون2021ء) ترک حکومت نے امید ظاہر کی ہے کہ آئندہ ہفتے مغربی دفاع اتحاد نیٹو کی سربراہی کانفرنس کے دوران ترک صدر ایردوآن اور ان کے امریکی ہم منصب جو بائیڈن کے مابین ہونے والی ملاقات کے تعمیری نتائج نکلیں گے۔

(جاری ہے)

غیرملکی خبررساں ادارے کے مطابق ترک وزیر خارجہ مولود چاوش اولو نے انقرہ میں کہا کہ دونوں صدور کی یہ پہلی بالمشافہ ملاقات انتہائی اہم ہو گی۔ اس ملاقات میں شام، افغانستان اور دیگر بحران زدہ خطوں کی صورت حال پر گفتگو کی جائے گی۔ امریکا اور ترکی کے مابین کئی شعبوں میں واضح اختلافات پائے جاتے ہیں۔