خاران میں سیکیورٹی فورسز کا آپریشن، دودہشتگرد ہلاک

بلوچستان میں مشکل سے امن و استحکام حاصل کیا ہے اس کی ہر قیمت پر حفاظت کریں گے، آئی ایس پی آر

جمعہ 11 جون 2021 16:07

خاران میں سیکیورٹی فورسز کا آپریشن، دودہشتگرد ہلاک

راولپنڈی (اُردو پوائنٹ اخبارتازہ ترین - این این آئی۔ 11 جون2021ء) بلوچستان کے ضلع خاران میں سیکیورٹی فورسز نے خفیہ اطلاعات پر کیے گئے آپریشن میں دو دہشت گرد مارے گئے ۔آئی ایس پی آر کے مطابق ہلمرگ کے علاقے میں کیے گئے اس آپریشن میں دو دہشت گرد مارے گئے ،بڑی تعداد میں ہتھیار اور بارودی مواد قبضے میں لے لیا گیا ہے۔

(جاری ہے)

آئی ایس پی آر کے مطابق ہلاک دہشت گرد سیکیورٹی فورسز اور شہریوں کے قتل میں ملوث تھے۔آئی ایس پی آر کے مطابق فائرنگ کے تبادلے میں فرنٹیئر کور کے سپاہی فدا رحمن نے جام شہادت نوش کیا، شہید کا تعلق چترال کے علاقے مستوج سے تھا۔آئی ایس پی آر کے مطابق بلوچستان میں مشکل سے امن و استحکام حاصل کیا ہے اس کی ہر قیمت پر حفاظت کریں گے۔