راولپنڈی ،پولیس تھانہ نصیر آبادپولیس کی موثر کارروائی،موٹر سائیکل چوری اور سنیچنگ کی وارداتوں میں ملوث دو رکنی گروہ گرفتار

ہفتہ 12 جون 2021 19:53

راولپنڈی (اُردو پوائنٹ اخبارتازہ ترین - این این آئی۔ 12 جون2021ء) پولیس تھانہ نصیر آبادپولیس نے موثر کارروائی کرتے ہوئے موٹر سائیکل چوری اور سنیچنگ کی وارداتوں میں ملوث دو رکنی گروہ گرفتارکر کے چوری شدہ03موٹر سائیکل برآمدکر لیں۔

(جاری ہے)

تفصیلات کے مطابق راولپنڈی پولیس کا موٹرسائیکل و کارچوروں کے خلاف کاروائیوں کاسلسلہ جاری ہے،ایس ڈی پی اوکینٹ کی زیر نگرانی ایس ایچ او نصیر آباد نے اپنی ٹیم کے ہمراہ کاروائی کرتے ہوئے موٹر سائیکل چوری اور سنیچنگ کی وارداتوں میں ملوث دو رکنی گروہ کو گرفتارکرلیا، گرفتارملزمان ثاقب اور توصیف شامل ہیں، ملزمان کے قبضہ سے 03عدد چوری شدہ موٹر سائیکلز برآمد ہوئے،ایس ایچ او نے بتایا کہ ملزمان گن پوائنٹ پر لوگوں سے موٹر سائیکل چھیننے اور موٹر سائیکل چوری کی وارداتوں میں ملوث ہیں،ملزمان نے نصیر آباد کے علاقے میں مختلف وارداتوں کا انکشاف کیا ہے ،ایس پی پوٹھوہار نے ایس ایچ او نصیر آباد او ر پولیس ٹیم کوشاباش دیتے ہوئے کہا کہ ملزمان کے سہولت کاروں کوبھی گرفتا رکیا جائے، موٹر سائیکل و کار چوروں کے خلاف کاروائیوںکاسلسلہ جاری رکھا جائے۔