آئی جی پنجاب سے فورس کمانڈراے این ایف پنجاب، کی سربراہی میں آئے تین رکنی وفد کی ملاقات
چوہنگ ، سہالہ اور ملتان کے ٹریننگ کالجز میں اے این ایف ماہرین کاایک خصوصی لیکچر ٹریننگ کا حصہ ہونا چاہئے‘ آئی جی پنجاب صوبہ بھر میںاے این ایف اور پنجاب پولیس کے مشترکہ آپریشنز کی کامیابیوں کے پیش نظر انہیں مستقبل میں بھی جاری رکھا جائے‘انعام غنی
جمعرات 17 جون 2021 20:07
(جاری ہے)
انہوں نے مزیدکہاکہ خیبر پختونخواہ ، سندھ اور گلگت بلتستان پولیس کی طرز پر ڈی آئی جی آئی ٹی ،پنجاب پولیس کے آئی ٹی پراجیکٹس کی اے این ایف کے ساتھ شئیرنگ بارے تفصیلی میٹنگ کریںتاکہ جدید پولیسنگ اور سرویلنس کے ڈیزائن کردہ ان جدید پراجیکٹس سے وہ بھی مستفید ہوسکیں ۔
انہوں نے مزیدکہاکہ پولیس ٹریننگ کالج چوہنگ ، سہالہ اور ملتان میںاے این ایف ماہرین کاایک خصوصی لیکچر ٹریننگ کا حصہ ہونا چاہئے تاکہ زیر تربیت افسران واہلکار انسدادمنشیات کے حوالے سے اے این ایف کے تجربات سے آگاہ ہوکر فیلڈ میں آکر بہتر اندازمیں اپنی ذمہ دارایاں ادا کرسکیں ۔ انہوںنے مزیدکہاکہ تعلیمی اداروں اورطلبا ہاسٹلز کے گردونواح میں روزانہ کی بنیاد پر انٹیلی جنس بیسڈ آپریشنز پر خاص توجہ ہونی چاہئے تاکہ نوجوان نسل کو آئس سمیت دیگر فیشن ایبل ڈرگز کی جانب راغب کرنے اور سپلائی دینے والے معاشرتی ناسوروںکا قلع قمع کرتے ہوئے انہیں پابند سلاسل کیا جائے ۔ انہوں نے مزیدکہاکہ اے این ایف کے اشتہاری ملزمان کی گرفتاری میں پولیس ٹیمیںصوبے بھر میں اے این ایف کو بھرپور معاونت فراہم کریںتاکہ اس مکروہ دھندے میںملوث ملزمان قانون کی گرفت میں لا کر اس برائی کے خاتمے میں کوئی کسر نہ اٹھا رکھی جائے۔ انہوںنے مزیدکہاکہ منشیات کے 9سی کے مقدمات کے ملزمان کی تمام تر تفصیلات اے این ایف کے ساتھ شئیرکی جائیں۔ ان خیالات کا اظہار انہوںنے سنٹرل پولیس آفس میں اینٹی نارکوٹکس فورس (اے این ایف)کے تین رکنی وفد سے ملاقات کے دوران کیا۔ فورس کمانڈر اے این ایف برگیڈئیر راشد منہاس ، کی قیادت میں آئے وفد میںڈپٹی ڈائریکٹر آپریشنز میجر وقار اور اسسٹنٹ ڈائریکٹر ہارون شامل تھے ۔ دوران ملاقات برگیڈئیر راشد منہاس ، فورس کمانڈر اے این ایف پنجاب نے منشیات کیسز کے چالان کی تیاری میں پنجاب پولیس کے تفتیشی افسران کی مہارت کو سراہتے ہوئے کہاکہ منشیات فروشی اور اسمگلنگ کے خاتمے پنجاب پولیس کی کاروائیاں اور تعاون بھی قابل ستائش ہیں ۔ انہوں نے پنجاب پولیس کے آئی ٹی پراجیکٹس کا ذکر کرتے ہوئے کہاکہ بلا شبہ آئی ٹی کے استعمال میںپنجاب پولیس ملک کی نمبر ون پولیس فورس ہے اور پنجاب پولیس کے پبلک سروس ڈلیوری اور جنرل پولیسنگ کے جدید سافٹ وئیرز اور پروگرام عالمی معیار کے ہم پلہ ہیں ۔ انہوںنے مزیدکہاکہANFکے کیسز میںملزمان کے بری ہونے کی وجوہات پنجاب پولیس کے ساتھ شئیر کی جائیگی تاکہ پولیس کے تفتیشی افسران کو چالان تیاری میں مددگار ثابت ہوسکیں۔ آئی جی پنجاب نے مزیدکہاکہ معاشرے سے منشیات کے مستقل خاتمے کیلئے صوبے کے تمام اضلاع میں پولیس ٹیمیںنہ صرف ہمہ وقت مصروف عمل ہیں لیکن اس کے ساتھ ساتھ قانون نافذ کرنے والے اداروں کا باہمی تعاون بھی وقت کی اہم ضرورت ہے ۔ اس موقع پر ایڈیشنل آئی جی آپریشنز صاحبزادہ شہزاد سلطان، ڈی آئی جی آر اینڈ ڈی شاہد جاوید ، ڈی آئی جی آئی ٹی وقاص نذیر، ڈی آئی جی آپریشنز سہیل اختر سکھیرا اور ڈی آئی جی کرائمز اینڈ انویسٹی گیشن احمد نواز چیمہ موجو د تھے۔مزید اہم خبریں
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم
-
کانگو میں پاکستانی امن دستے 20 سال بعد واپس جا رہے ہیں، اقوام متحدہ
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
نواز شریف کو پارٹی صدر بنانے کی تیاریاں،ن لیگ پنجاب کا ہنگامی اجلاس آج طلب
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
-
خواجہ آصف نے عمران خان پر سمجھوتے کیلئے دبا ئوڈالنے کا دعویٰ مسترد کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.