سپریم کورٹ کراچی رجسٹری کے احکامات پر انتظامیہ کا ایکشن

الہ دین پارک سے متصل شاپنگ سینٹر اور کلب میں تجاوزات کیخلاف آپریشن تیسرے روز بھی جار ی رہا

جمعرات 17 جون 2021 22:22

کراچی (اُردو پوائنٹ اخبارتازہ ترین - این این آئی۔ 17 جون2021ء) سپریم کورٹ کراچی رجسٹری کے احکامات پر انتظامیہ کا ایکشن، الہ دین پارک سے متصل شاپنگ سینٹر اور کلب میں تجاوزات کیخلاف آپریشن تیسرے روز بھی جاری رہا، اینٹی انکروچمنٹ عملے اور پولیس نفری نے حصہ لیا۔

(جاری ہے)

اینٹی انکروچمنٹ سیل کی جانب سے بھاری مشینری کے ذریعے تجاوزات کے خلاف کارروائی کی گئی۔ تقریبا ساڑھے چار سو دکانوں پر مشتمل شاپنگ سینٹر اور 10 ایکڑ پر پویلیئن اینڈ کلب قائم کیا گیا تھا۔حکام کے مطابق آپریشن جلد مکمل کرنے کیلئے 24 گھنٹے کام کیا جائے گا۔ عدالتی احکامات پر کے ایم سی پانچ مقامات گجر نالہ، اورنگی نالہ، الہ دین پارک، فیڈرل بی ایریا میں ایس ٹی پلاٹ اور کے ڈی اے آفس کلب میں بھی آپریشن جاری ہے۔