کسب حلال اور رزق طیب کی بے شمار برکات ہیں،امیر جمعیت علماء اسلام نظریاتی کوئٹہ

صنعتوں ،کارخانوں اور فیکٹریوں میں بننے والی مصنوعات اور اشیاء کی فراوانی مزدوروں اور محنت کشوں کی ہی مرہون منت ہوتا ہے،مولانا قاری مہراللہ

جمعرات 24 جون 2021 21:45

کوئٹہ(اُردو پوائنٹ اخبارتازہ ترین - این این آئی۔ 24 جون2021ء) جمعیت علماء اسلام نظریاتی ضلع کوئٹہ کے امیر مولانا قاری مہراللہ سیاسی اور قبائلی رہنما ممتاز تاجر حاجی محمود خان نورزئی اور نورعلی خان نورزئی مولوں جیلانی حمداللہ خان نورزئی دیگر خان ثانی موٹر شورم کے افتتاح کے موقع پر خطاب کرتے ہوئے کہا کہ ملک و قوم جتنی ترقی کرتا ہے یہ صنعتوں ،کارخانوں اور فیکٹریوں میں بننے والی مصنوعات اور اشیاء کی فراوانی مزدوروں اور محنت کشوں کی ہی مرہون منت ہوتا ہے۔

ان تمام میں مزدوروں کا خون پسینہ شامل ہوتا ہے۔ ہمارے ملک میں صنعتوں کو وہ مقام اور اہمیت حاصل نہیں ہے جن کا آج کاترقی یافتہ اور تہذیب یافتہ معاشرہ متقاضی ہے تب تک ہم ترقی یافتہ ممالک کی صفوں میں قدم نہیں رکھ سکتے۔

(جاری ہے)

انہوں نے کہا کہ اسلام میں محنت کی عظمت اورکسبِ حلال کے بڑی اہمیت ہے کسب حلال اور رزق طیب کی بے شمار برکات ہیں۔ اپنی محنت کی کمائی انسانی شرافت اور رفعت کا باعث ہے۔

انہوں نے کہا کہ کسب حلال دنیا کی سعادت اور آخرت میں جنت کا موجب ہے۔ اور اعمال میں جاذبیت ،انسانی شرافت اور رفعت کا باعث ہے بندہ مومن کی زندگی میں کسبِ حلال کو بنیادی اہمیت حاصل ہے۔کسب حلال اور رزق طیب کی بے شمار برکات ہیں۔ کسب حلال کو ایک عظیم نیکی ،باعثِ اجرو ثواب عمل قرار دیا گیااور دوسری جانب ناجائز اور حرام مال کو وبال اور گناہ کا بنیادی سبب قرار دیا گیا۔