علما یونیورسٹی میں کوالٹی ایجوکیشن سے متعلق SDG کے حوالے سے ریسرچ پر مرکوز ویبینار کا انعقاد

کراچی(اُردو پوائنٹ اخبارتازہ ترین - این این آئی۔ 16 جولائی2021ء) علما یونیورسٹی نے اکیڈمک جرائد میںتحقیقی مضامین لکھنے اور شائع کرانے پر ایک بہترین ویبینار کا انعقاد کیا۔ اس بین الاقوامی ویبنار کی سربراہی پروفیسر ڈاکٹر جلال راجح محمد ، اسسٹنٹ پروفیسر اسکائی لائن یونیورسٹی ، متحدہ عرب امارات و سینئیر لیکچرر DRB-HICOM یونیورسٹی آف آٹوموٹو ملائیشیا نے کی، جو کہ قابل ذکر مقالات لکھنے کے ساتھ اس شعبے میں مکمل عبور رکھتے ہیں۔

اس ورچوئل سیشن کا سب سے اولین مقصد شرکا کو تحقیقی مقالے تحریر کرنے اور شائع کرانے کی حکمت عملی سے آگاہ کرنا تھا جو کہ علمی جرائد میں ان کو چھپوانے کے لئے ضروری ہیں۔ یہ ضروری تھا کہ ان مقالات کے مختلف اسٹائلز اور فارمیٹس کے بارے میں پوری طرح سے آگاہی ہو۔

(جاری ہے)

ڈاکٹر جلال نے تعلیمی جرائد میں تحقیقی مقالے شائع کرانے کی ضروریات کا تفصیلی ذکر کیا جن کو پورا کرنا ضروری ہوتا ہے۔

تجربہ کار ماہر تعلیم نے ریمارکس دیئے کہ، 'مصنف کو ریسرچ پیپر گائیڈ لائنز اور اسٹائل سے آگاہی کی اشد ضرورت ہے جن میں تحقیق کا خلاصہ ، شائع شدہ مقالات کا جائزہ ، سروے ، نتائج ، ثبوت اور اشکال وغیرہ شامل ہیں۔ علما یونیورسٹی نے اس طرح کی تحقیقی اور ترقیاتی ویبنارز کی اہمیت کا ادراک کیا ہوا ہے جس کا مقصد تعلیمی نظام میں معیار کو مذید اوپر لانا ہے۔ اس معاملے کی حقیقت یہ ہے کہ کسی بھی یونیورسٹی کی اصل بنیاد اس کے تحقیقی اقدامات سے مضبوط ہوتی ہے اور جو دنیا بھر کی معیشتوں کو درپیش مسائل کو حل کرنے میں اہم کردار ادا کرتی ہے۔