میںنے اپنے کیرئیر کا آغاز کسی بڑے کردار سے نہیںکیا ‘ عمران اشرف

آپکے اندر ٹیلنٹ ہے تو آپ مشکلات کے باوجود اپنا راستہ خود بنا لیتے ہیں‘ انٹرویو

ہفتہ 24 جولائی 2021 11:50

لاہور(اُردو پوائنٹ اخبارتازہ ترین - این این آئی۔ 24 جولائی2021ء) نامور اداکارعمران اشرف نے کہا ہے کہ میںنے اپنے کیرئیر کا آغاز کسی بڑے کردار سے نہیںکیا ، میرا دعویٰ ہے کہ اگر آپ کے اندر ٹیلنٹ ہے تو آپ مشکلات کے باوجود اپنا راستہ خود بنا لیتے ہیں ۔

(جاری ہے)

ایک انٹرویو میں عمران اشرف نے کہا کہ میں آج یہ سمجھتا ہوں کہ کوئی بھی کردار معمولی نہیں ہوتا بلکہ بعض اوقات جسے آپ معمولی کردارکہہ رہے ہوتے ہیں وہی آپ کے لئے منزل کی طر ف بڑھنے کا ذریعہ بن جاتاہے او رمیرے ساتھ ایسا ہوا ہے ۔ انہوں نے کہا کہ کسی بھی پراجیکٹ میں جو کوئی بھی اداکار جس طرح کا بھی کردارنبھا رہا ہو اس کی تحسین کرنی چاہیے اور اس کی عزت کرتے ہوئے اس کی حوصلہ افزائی کی جانی چاہیے ۔