انسانیت کی بھلائی کیلئے ایدھی ٹرسٹ کیساتھ مل کر کام کرنے کا خواہشمند ہوں ‘ عمران بخاری

میں کسی کو دکھ اور تکلیف میں دیکھ نہیں سکتا ،کوشش ہوتی ہے لوگوں کی مشکلات کو حل کروں ‘ انٹرویو

منگل 27 جولائی 2021 21:01

انسانیت کی بھلائی کیلئے ایدھی ٹرسٹ کیساتھ مل کر کام کرنے کا خواہشمند ..

لاہور(اُردو پوائنٹ اخبارتازہ ترین - این این آئی۔ 27 جولائی2021ء) نامور اداکار عمران بخاری نے کہا ہے کہ ایدھی ٹرسٹ کے ساتھ مل کر کام کرنے کا خواہشمند ہوں ،بچپن سے ہی میری تربیت اس انداز سے ہوئی ہے کہ میں کسی کو دکھ اور تکلیف میں دیکھ نہیں سکتا اورمیری کوشش ہوتی ہے جہاں تک ممکن ہو سکے لوگوں کی مشکلات کو حل کروں ۔

(جاری ہے)

ایک انٹر ویو میں عمران بخاری نے کہا کہ میںپسے ہوئے طبقات کے لئے انفرادی طو رپر جو بھی کر سکتا ہوں وہ کر تا رہتا ہو ں لیکن میری دلی خواہش ہے کہ ایدھی ٹرسٹ کے ساتھ مل کر انسانیت کی فلاح کیلئے کام کروں اوریہ میرے لئے بڑے اعزاز کی بات ہو گی ۔

انہوں نے کہا کہ جس طرح عبد الستار ایدھی نے فلاحی کاموں کے ذریعے دنیا میں عزت اور مقام بنایا ہے وہ کم لوگوں کو نصیب ہوتا ہے اور میں بھی ان کی پیروی کرناچاہتا ہوں۔