نور مقدم کیس ،ترجمان اسلا م آباد پولیس کی الیکٹرانک اور سوشل میڈیاپر چلنے والی قیاس آرائیوں پر مبنی خبروں کی سختی سے تردید

بدھ 28 جولائی 2021 22:19

اسلام آباد (اُردو پوائنٹ اخبارتازہ ترین - این این آئی۔ 28 جولائی2021ء) ترجمان اسلا م آباد پولیس نے کہا ہے کہ نور مقدم کیس کے متعلق الیکٹرانک اور سوشل میڈیاپر چلنے والی قیاس آرائیوں پر مبنی خبروں کی سختی سے تردید کی جاتی ہے ۔

(جاری ہے)

تفصیلات کے مطابق کچھ نجی چینلز اور سوشل میڈیا پر غیر مصدقہ خبریں اور غلط انفارمیشن پھیلائی جا رہی ہیں جن کا حقیقت سے کوئی تعلق نہیں ہے، کسی امریکی آفیسر نے نہ ملزم ظاہر ذاکر اور نہ ہی کسی پولیس آفیسر کے ساتھ ملاقات کی ہے ملزم کے والدین کو بھی قانون کے تناظر میں دیکھا جارہا ہے،غیر مصدقہ خبریں نہ صرف تفتیشی امور پر اثر انداز ہوسکتی ہیں بلکہ ان کے والدین کے لیے بھی مشکلات کا سبب بن سکتی ہیں تمام الیکٹرانک میڈیا، پرنٹ میڈیا اور سوشل میڈیا سے استدعا ہے کہ ایسی غیر مصدقہ اطلاعات جن کا حقیقت سے کوئی تعلق نہیں ہے پھیلانے سے پرہیز کریں پولیس اپنا کام بخوبی انجام دے رہی ہے تفتیشی امور مکمل ہونے کے بعد تمام مندرجات میڈیا کے ساتھ شئیر کیے جائیں گے۔

شکریہ