طارق سعید مرحوم کی یاد میں تعزیتی

لاہور (اُردو پوائنٹ اخبارتازہ ترین - آن لائن۔ 16 ستمبر2021ء) فیڈریشن آف پاکستان چیمبرز آف کامرس اینڈ انڈسٹری، سارک چیمبر اور کراچی چیمبر آف کامرس اینڈ انڈسٹری کے سابق صدر طارق سعید ایک قدآور شخصیت تھے جنہوں نے صنعت و تجارت اور سماجی شعبے میں گرانقدر خدمات سرانجام دیں جنہیں ہمیشہ یاد رکھا جائے گا، انہوں نے بہت سے سنگ میل عبور کیے اور بین الاقوامی سطح پر قومی پرچم بلند کیا۔

(جاری ہے)

ان خیالات کا اظہار لاہور چیمبر کے صدر میاں طارق مصباح، نائب صدر طاہر منظور چودھری ، سابق صدورمیاں انجم نثار، محمد علی میاں ، ظفر اقبال چودھری، سابق سینئر نائب صدر خواجہ خاور رشید،ایگزیکٹو کمیٹی ممبران شاہد نذیر، نعیم حنیف و و دیگر نے لاہور چیمبر میں منعقدہ تعزیتی ریفرنس سے خطاب کرتے ہوئے کیا۔ انہوں نے طارق سعید کی خدمات کو زبردست خراج عقیدت پیش کرتے ہوئے ان کے انتقال کو صنعت، تجارت اور سماجی شعبہ کے لیے ناقابل تلافی نقصان قرار دیا۔ انہوں نے کہا کہ طارق سعید ہمیشہ کاروباری برادری اور دکھی انسانیت کی خدمت کے لیے سرگرم عمل رہے اور اپنی صحت سے زیادہ اپنے کام کو ترجیح دی۔ کاروباری برادری کے لیے ان کی خدمات ناقابل فراموش ہیں