انگلینڈ ، قبرستان میں خاتون کا انسانی ڈھانچے کے ساتھ رقص ، تصاویر وائرل

جمعہ 17 ستمبر 2021 16:52

لندن (اُردو پوائنٹ اخبارتازہ ترین - این این آئی۔ 17 ستمبر2021ء) انگلینڈ میں قبرستان میں خاتون نے انسانی ڈھانچے کے ساتھ رقص کیا ،تصاویر وائرل ہوگئیں غیر ملکی میڈیا رپورٹس کے مطابق، انگلینڈ کے قدیم ہل نامی قبرستان میں حال ہی میں راہبہ کا لباس زیب تن کیے ڈھانچوں سے کھیلتی خاتون دیکھی گئی ہیں۔میڈیا رپورٹس کے مطابق، خاتون کی خوفناک اور دل دہلادینے والی تصاویر رواں ماہ کی پہلی تاریخ کو قبرستان کے باہر سے گزرنے والے مسافر کی جانب سے کھینچی گئیں، بعد ازاں تصاویر سوشل میڈیا پر وائرل ہوگئیں۔

وائرل تصویر میں خاتون کو کریم رنگ کا راہبہ کا گاؤن اور اسکارف پہنے دیکھا گیا، ایک اور تصویر میں خاتون کو بظاہر کتے جیسے نظر آنے والے ڈھانچے کے ساتھ کھیلتے دیکھا جاسکتا ہے۔

(جاری ہے)

خوفناک منظر دیکھنے والے شہریوں نے بتایا کہ خاتون کو کئی منٹ تک ڈھانچوں کے ساتھ رقص کرتے دیکھا گیا تاہم اس دوران وہاں لوگوں کی موجود بھی خاتون کے اس عمل میں خلل نہ ڈال سکی۔

ان مناظر کو اپنی آنکھوں سے دیکھنے والے افراد کا برطانوی اخبار ڈیلی میل سے گفتگو کرتے ہوئے کہنا تھا کہ خاتون کو اس دوران خاصا خوش اور ڈھانچوں کے ساتھ مگن دیکھا گیا۔گفتگو کے دوران کچھ افراد نے خاتون کے اس عمل کو توجہ مبذول کرنے کا طریقہ قرار دیا تو وہیں کچھ افراد نے آرٹ پراجیکٹ کا حصہ قرار دیا تاہم فی الحال واضح نہیں ہوسکا کہ خاتون کے ڈھانچوں کے ساتھ کھیلنے کے پیچھے درحقیقت کہانی کیا ہے۔

Facebook Twitter Google + Share on Whatsapp

انگلینڈ ، قبرستان میں خاتون کا انسانی ڈھانچے کے ساتھ رقص ، تصاویر وائرل

متعلقہ عنوان :

مزید بین الاقوامی خبریں