خواہش ہے پاکستان اور بھارت بہترین ہمسائے بن کر رہیں،ٹرمپ

پاکستان اور بھارت کی جنگ ٹیرف کی مدد سے روکی تھی،امریکی صدر کی گفتگو

منگل 14 اکتوبر 2025 15:16

خواہش ہے پاکستان اور بھارت بہترین ہمسائے بن کر رہیں،ٹرمپ

شرم الشیخ (اُردو پوائنٹ اخبارتازہ ترین - این این آئی۔ 14 اکتوبر2025ء) امریکی صدر ڈونلڈ ٹرمپ کا پاکستان اور بھارت سے متعلق ایک اور بیان سامنے آگیا۔مصر میں غزہ جنگ بندی معاہدے پر ثالث ممالک کے دستخط کے بعد صدر ٹرمپ نے اس اہم ترین موقع پر کی گئی پریس کانفرنس میں خواہش ظاہر کی کہ وہ چاہتے ہیں بھارت اور پاکستان بہترین ہمسائے بن کر رہیں۔

(جاری ہے)

پریس کانفرنس کے دوران ٹرمپ نے وزیراعظم شہباز شریف کی جانب دیکھ کر انہیں عظیم رہنما قرار دیا۔

اس موقع پر وزیراعظم شہبازشریف نے مثبت ردعمل کا اظہار کرتے ہوئے کہاکہ ہم نے بھارت کے 7 طیارے گرائے تھے۔امریکی صدر نے ائیر فورس ون میں صحافیوں سے گفتگو کرتے ہوئے کہا کہ پاکستان اور بھارت کی جنگ ٹیرف کی مدد سے روکی تھی۔ انہوں نے مصر میں پریس کانفرنس کے دوران خواہش ظاہر کی کہ وہ چاہتے ہیں بھارت اور پاکستان بہترین ہمسائے بن کر رہیں۔