دبئی؛ اسکول میں دوبارہ پڑھنے کیلئے مجبور کرنے پر بیٹے کا والد کیخلاف مقدمہ

17 سالہ لڑکے نے دبئی پولیس کی مدد مانگی تاکہ وہ اپنے والد کو اسے کالج میں مخصوص شعبے میں داخلے کیلئے گریڈز بہتر بنانے کیلئے دوبارہ ہائی اسکول میں پڑھنے پر مجبور کرنے سے روک سکے

Sajid Ali ساجد علی ہفتہ 18 ستمبر 2021 14:44

دبئی؛ اسکول میں دوبارہ پڑھنے کیلئے مجبور کرنے پر بیٹے کا والد کیخلاف ..
دبئی ( اُردو پوائنٹ اخبارتازہ ترین ۔ 17 ستمبر2021ء ) دبئی میں بیٹے نے اسکول میں دوبارہ پڑھنے کیلئے مجبور کرنے پر والد کے خلاف مقدمہ درج کرادیا۔ خلیج ٹائمز کے مطابق دبئی کے رہائشی ایک نوعمر لڑکے نے اپنے والد کے خلاف مقدمہ دائر کیا کیوں کہ اس نے اپنے بیٹے کو اعلی گریڈ حاصل کرنے کے لیے ہائی اسکول کو دہرانے پر مجبور کرنے کی کوشش کی ، جس کے لیے 17 سالہ لڑکے نے دبئی پولیس کی مدد مانگی تاکہ وہ اپنے والد کو اسے کالج میں مخصوص مہارت حاصل کرنے پر مجبور کرنے سے روک سکے۔

اس حوالے سے خواتین اور بچوں کے تحفظ کے شعبے میں چائلڈ پروٹیکشن سیکشن کی سربراہ میتھا محمد البلوشی نے کہا کہ نئے گریجویٹ نے اپنی والدہ کے ساتھ ڈیپارٹمنٹ سے رجوع کیا جو اپنے والد کی توقعات کی وجہ سے بہت پریشان تھے کیوں کہ بیٹے کا باپ مایوس تھا کہ اس کے بیٹے نے اچھے گریڈز نہیں لیے جس کی وجہ سے وہ اس کالج میں داخلہ لینے کے لیے اہل نہیں ہوا جہاں اس کا والد داخلہ دلانا چاہتا تھا جس کی بناء پر اس نے لڑکے کو ہائی سکول کو دوبارہ گریڈ کرنے پر مجبور کیا کہ وہ اعلی گریڈ حاصل کرے لیکن وہ اپنی کوششوں کے باوجود والد کی خواہشات کو پورا نہیں کر سکا۔

(جاری ہے)

انہوں نے بتایا کہ ہم نے باپ سے رابطہ کیا اور ان پر زور دیا کہ وہ اپنے بیٹے کے ان امور پر رائے کا اظہار کرنے کے حق کا احترام کریں جو ان کے لیے باعث تشویش ہیں اس کے علاوہ ہم نے لڑکے کی حوصلہ افزائی کی اور زندگی بدلنے والے فیصلے کرتے وقت ہمیشہ اپنے والد کے جذبات اور رائے پر غور کرنے کا مشورہ دیا ، جس پر باپ نے معاملہ اپنے بیٹے کے ہاتھ میں چھوڑنے پر رضامندی ظاہر کی اور بالآخر یہ معاملہ بچے کے حقوق کی خلاف ورزی کے بغیر حل ہو گیا۔

اس پر تبصرہ کرتے ہوئے جنرل ڈیپارٹمنٹ آف ہیومن رائٹس میں بچوں اور خواتین کے تحفظ کے ڈائریکٹر میجر ڈاکٹر علی محمد المتوشی نے تصدیق کی کہ پبلک آرڈر اور اخلاقیات اور متحدہ عرب امارات میں نافذ قوانین کے مطابق ہر بچے کو اپنی عمر اور پختگی کے مطابق اپنی رائے کا اظہار کرنے کا حق حاصل ہے ، یہ اس بات کو بھی یقینی بناتا ہے کہ ہر بچے کو اپنے متعلقہ قوانین کی حدود میں اپنے فیصلوں کے بارے میں اپنی رائے کا اظہار کرنے کا موقع ملے۔